Ojee 6:4 - Maktub gə́ To gə Kəmee

⁴ Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Ojee 6:4 Iomraidhean Croise

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Jeremi 34:15

Ɓogənè seḭ lé seḭ telje gə ndu sí ləm, seḭ telje raje né gə́ danasur kəm’g arje nana kara ila mber kila maree tar ləm, seḭ manje rɔ sí no̰m’g mee kəi gə́ rim ɓar dɔ’g ləm tɔ.

Jeremi 5:23

Dəwje neelé to gə́ mbim-oo-ta-elje ləm, Gə njékɔsta-rəwje ləm tɔ, Deḛ mbad koo ta ləm, D’ɔd par-par d’aw ləm tɔ.

Jeremi 5:7

See m’a kar məəm oso ləmsé dɔ sí’g mba ɗi wa. Ŋgan síje d’ubam d’ya̰’m ləm, Deḛ manrɔ dee gə ri magəje gə́ ŋgɔm ləm tɔ. Ma m’ar dee d’isi dan néje’g lai Gə́ d’aw ndòo dee Nɛ d’ya̰ rɔ dee yag Dan néra kaiya-dené’g ləm, Deḛ rusu mee kəi lə kaiya-dené tub-tub ləm tɔ.

Jeremi 5:9

Njesigənea̰ pana: Néraje gə́ togə́bè lé See m’a kar bo̰ néra dee Ɔs ne ta dee’g gə mbəa el wa. See ginkoji dəwje gə́ togə́bè lé M’a dal sə dee ba̰ el wa.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Ojee 13:3

Gelee gə́ nee ɓa d’a to ne kasəna Gə mum gə́ oso teḛ gə́ ndɔ ləm, D’a to ne kasəna Gə mán tàl gə́ wa waga ɓa gəḭ ɓəi ləm, D’a to ne kasəna Gə tisa kó gə́ lel sané kad loo-kunda-kó’g bèe ləma, D’a to ne kasəna Gə sa pər gə́ teḛ kəmbolè’g bèe ləm tɔ.

Ojee 7:1

Loo gə́ ma m’wɔji-kwɔji kaji Israɛl ndá Néra kori-korije lə Eprayimje Gə némeeyèrje lə Samarije teḛ to raga pai-pai Mbata deḛ ra néŋgɔmje ləm, Njéɓogoje d’andə mee kəije’g ləma, Gayim-ɓogoje taa loo gir loo gə́ raga pəl-pəl ləm tɔ.

Matiyo 13:21

nɛ ŋgira ta neelé ɔm jamee mée’g el ndá dəw neelé si ne waga el mbata mée mbɔré dɔ’g. Loo gə́ néɓəl əsé néurti teḛ dəa’g mbata lə ta neelé ndá yeḛ oso kas ila ne ta kɔrɔ yal.

Njéga̰g-Rəwtaje 3:12

Israɛlje tel ra né gə́ taa kəm Njesigənea̰ el ya tɔɓəi, bèe ɓa Njesigənea̰ ar Eglo̰, mbai gə́ Moab siŋga aree rɔ ne gə Israɛlje mbata deḛ ra né gə́ majel kəm Njesigənea̰’g.