Ojee 5:9 - Maktub gə́ To gə Kəmee

⁹ Ndɔ gə́ m’a kar bo̰ néra dee ɔs ta dee’g Ndá Eprayimje d’a godo péd-péd, Ma m’ula ginkoji Israɛlje né gə́ a teḛ tɔgərɔ ya.

Ojee 5:9 Iomraidhean Croise

Maktub gə́ wɔji dɔ Jɔb 12:14

Né gə́ yeḛ tuji lé dəw askəm tel gɔl gogo el, Dəw gə́ yeḛ udee kəi kara njekɔree godo tɔ.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Esai 48:3

Ta néje gə́ d’a gə ree lé Ma m’pa taree ləw-ləw ba, Taree teḛ tam’g ndá Ma m’ila mberee to: Léegəneeya m’ra né ndá Néje lé d’aw lée’g béréré ya.

Esai 48:5

Yee ɓa ma m’ula sí ne ta néje neelé kédé Ɓad ɓa né teḛ ɓəi ləm, Kédé ɓa kar dee ree ɓəi kara Ma m’ar sí ooje ləm tɔ Gə mba kar sí pajena: To gə́ magəje lə sí ɓa ra dee To néndajije lə sí gə́ tɔl dee əsé gə́ léḛ dee Ɓa d’un ndu dee a paje bèe el.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Ojee 5:12

Eprayimje lé m’a ra sə dee to gə́ dirije Gə́ d’unda né tuŋgu-tuŋgu bèe ləm, M’a to kasəna gə kuru gə́ ndusu né mbata lə Judaje ləm tɔ.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Ojee 7:12

Ɓó lé d’ḭ d’aw kara M’a kila jám ləm no̰ dee’g ləm, M’a kunda dee naŋg rib To gə́ yelje gə́ pə̰ dara’g bèe ləma, M’a kar bo̰ néra dee ɔs ta dee’g Gə goo ta gə́ ma m’ndəji dee ne kédé Loo-mbo̰-dɔ-na̰’g lə dee lé ləm tɔ.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Amɔs 7:17

Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Tagə́maji gə́ Ja̰ ndang 16:4

Ta néje neelé ma m’ula sí mba kar loo gə́ kàree a gə teḛ ndá meḛ sí a kolé ne dɔ ta gə́ ma m’ula sí’g lé ya. Ta gə́ ma m’ula sí ɓasinè lé ma m’ula sí kédé gə́ ləw el mbata ma m’nai sə sí ɓəi.