Ojee 5:4 - Maktub gə́ To gə Kəmee

⁴ Néra deeje ɔg dee loo tel ree rɔ Ala’g lə dee Mbata takə̰ji kuba Ala kyá̰ to mbuna dee’g ləm, Mbata deḛ gər Njesigənea̰ el ləm tɔ.

Ojee 5:4 Iomraidhean Croise

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Jeremi 24:7

M’a kar dee ɓəŋgərə dee gə́ ka̰ gərm to gə́ ma m’to Njesigənea̰, ɓó lé d’a tel ree rɔm’g gə meḛ dee bura ndá d’a to koso-dəwje ləm ləm, m’a to Ala lə dee ləm tɔ.

Jeremi 50:38

Maji kar loo gə́ tudu kurum-kurum Teḛ dɔ manje’g ləa! Kar manje ləa d’yi tə-tə! Mbata to ɓee magə-poleje, Deḛ ra némbə mbata magəje gə́ wa meḛ dee.

Jeremi 9:24

Njesigənea̰ pana: Aa ooje, ndɔje d’isi ree gə mba kam m’ar bo̰ néra deḛ lai gə́ d’inja tamɔd dee ɓa ɓó meḛ dee el lé ɔs ta dee’g keneŋ,

Jeremi 9:6

Gelee gə́ nee ɓa Njesigənea̰ gə́ njeboo-néje Pa ne togə́bè pana: Aa ooje, m’a kur meḛ dee Gə mba naa dee. See ɗi gə́ raŋg tɔɓəi ɓa M’a ra gə koso-dəwje ləm ɓəi wa.

Ojee 13:13

Meeko̰ a ra dee asəna gə ndóo Gə́ teḛ dɔ dené’g wai bèe, To ŋgon gə́ dum Gə́ ndɔ kojee as ya Nɛ yeḛ unda loo mee kea̰je’g teḛ el bèe.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Ojee 4:12

Koso-dəwje ləm dəji magəje lə dee Gə́ to kagje ba ɓa ta, Tɔɓəi d’ar kag tɔs lə dee ɓa ula dee ta tɔ. Mbata takə̰ji kuba Ala kyá̰ ɓa ar dee ndəm Ndá deḛ d’uba ne Ala lə dee d’yá̰ əw.

Ojee 4:14

M’a kar bo̰ néra ŋgan síje gə́ dené ɔs ta dee’g Mbata mɔdkaiya lə dee el ləm, Esé məəm síje-je gə́ dené gə́ ra kaiya lé el ləm tɔ. Mbata seḭ nja kara awje na̰’d əw gə njémɔdkaiyaje ləm, Seḭ injaje néməsje na̰’d gə kaiya-denéje ləm tɔ. Koso-dəwje gə́ to njégərnéelje lé d’aḭ gə́ loo-tuji’g ɓa.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 7:11

Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.

Ojee 8:11

Eprayimje d’unda loo-nékinjanéməsje Mba ra ne kaiya gə́ kédé-kédé Nɛ loo-nékinjanéməsje neelé Tel sula dee sɔgɔ dan kaiya’g ɓa.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Tagə́maji gə́ Ja̰ ndang 8:55

nɛ seḭ lé seḭ gəreeje el. Ma lé ma m’gəree gao, ɓó lé ma m’pana: Ma m’gəree el ndá m’a to gə́ njeŋgɔm to gə́ seḭ bèe tɔ. Nɛ ma m’gəree gao ləm, m’aa dɔ ta ləa kər-kər ləm tɔ.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.