Ojee 5:12 - Maktub gə́ To gə Kəmee

¹² Eprayimje lé m’a ra sə dee to gə́ dirije Gə́ d’unda né tuŋgu-tuŋgu bèe ləm, M’a to kasəna gə kuru gə́ ndusu né mbata lə Judaje ləm tɔ.

Ojee 5:12 Iomraidhean Croise

Maktub gə́ wɔji dɔ Jɔb 13:28

Darɔm tel to né gə́ ndum ləm, To asəna gə kubu gə́ dirije d’unda tuŋgu-tuŋgu bèe ləm tɔ.

Pakɔsje 39:11

Maji kari tel gə ndəije ləi dɔm’g gə́ raŋg! Jii gə́ undam neelé ɔsm naŋg ŋgɔsɔrɔ.

Gosota-Kəmkàrje 12:4

Dené gə́ njemeemaji lé To dɔgugu lə ŋgabeeje, Nɛ yeḛ gə́ ila rɔkul dɔ loo’g lé To asəna gə kuru gə́ sɔ siŋga rɔ ŋgabeeje bèe.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Esai 50:9

Aa ooje, Mbaidɔmbaije gə́ Njesigənea̰ to njela səm: See na̰ ɓa askəm kila ta dɔm’g wa. Aa ooje, d’a ɓuga ŋgisi to gə́ kubu bèe ləm, Diri a kunda dee tuŋgu-tuŋgu ləm tɔ.

Esai 51:8

Mbata dirije d’a kunda dee tuŋgu-tuŋgu to gə́ kubu bèe ləm, Kuruje d’a tuji dee to gə́ tuji ne kubu gə́ d’ṵji gə bḭ badje bèe ləm tɔ. Nɛ néra gə́ gə dɔ najee ləm a to saar-saar gə no̰ ləm, Kaji ləm kara a to gə ləbee-ləbee gə no̰ ləm tɔ.

Junas 4:7

Nɛ bèlè lookàree teḛ gə ndɔ rad lé Ala ar kuru kára ree sɔ ŋgira roŋ neelé aree ndòlé.