Ojee 4:7 - Maktub gə́ To gə Kəmee

⁷ Loo gə́ deḛ bula d’ɔs goo na̰ gə́ kédé-kédé ndá Deḛ ra kaiya gə́ kédé-kédé D’ɔsm ne rəw tɔ. Bèe ɓa m’a kar rɔnduba lə dee Tel to rɔkul dɔ dee’g.

Ojee 4:7 Iomraidhean Croise

Esdras 9:7

Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.

Ojee 10:6

Ala neelé d’a kunee kaw səa Asiri Gə mba kar mbai Jareb gə́ nénoji. Kəm sɔḭ a kwa kəm Eprayimje ləm, Israɛlje kara d’a si dan rɔkul’g Mbata né gə́ deḛ d’wɔji-kwɔji ra lé ləm tɔ.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 4:10

D’a sɔ né ya Nɛ meḛ dee a ndan el ləm, D’a ndal na̰ gə mɔdkaiya yaa̰ ya Nɛ d’a kiŋga ne ŋganje el ləm tɔ, Mbata deḛ d’uba Njesigənea̰ d’yá̰ ləm, Deḛ d’uba godndiaje d’ya̰ ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Ojee 6:9

Kudu njékinjanéməsje to d’asəna gə gayim-dəwje gə́ d’um loo Gə mba tɔl dəwje gə́ d’aw gə rəw gə́ aw gə́ Sikem, Mbata deḛ d’ula ne rɔ dee mbiriri dan néra gə́ majel’g.

Ojee 9:11

Rɔnduba lə Eprayimje a kḭ kaw to gə́ yel bèe, Denéje d’a koji ŋganje el ləm, D’a kaw gə kèm gə́ tɔg el ləma, D’a keskèm el ləm tɔ.

Habakuk 2:16

Seḭ nja arje rɔkul boo tur dɔ sí pubug, Seḭ nja kara aije ndá ribaje ne dɔ nérɔkul lə sí gə́ raga ya to! Njesigənea̰ a kar sí aije bai-oŋg ləa sɔd ya Ndá nérɔkul lé a kar rɔnduba lə sí tel to né gə́ mina̰.

Malasi 2:9

Bèe ndá ma lé m’a kar sí tel toje dəwje gə́ to kḛji ləm, gə dəwje gə́ əḭ el ləm tɔ kəm dəwje’g lai mbata seḭ njaaje gə goo rəwje ləm el ləm, loo gə́ seḭ tegje gin godndu lé ndá seḭ ɔrje ne kəm dəwje keneŋ ləm tɔ.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.