Ojee 4:4 - Maktub gə́ To gə Kəmee

⁴ Yen! maji kar dəw kára kara maḭta el ləm, Tila ŋgisa dɔ maree’g el ləm tɔ Mbata koso-dəwje lə sí to d’asəna Gə deḛ gə́ kɔl gə njékinjanéməsje bèe ya.

Ojee 4:4 Iomraidhean Croise

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Ejekel 3:26

N’a kar ndo̰m tia̰ mee kilm’g gə mba kam m’tel m’to njegwɔbkudu mba karm m’askəm ndaŋg dee el mbata deḛ to gel-bɔje gə́ njékɔsta-rəwje.

Ojee 4:17

Eprayimje lé to njérḛ́ dɔ magə-poleje’g rḛ́-rḛ́, ndá maji kar sí uba deeje ya̰ deeje.

Amɔs 5:10

Dəw gə́ ndaŋg dee tarəwkɔg’d lé D’wá gə meḛ dee ləm, Yeḛ gə́ ɔr ta gə́ tɔgərɔ kara Deḛ d’ə̰jee bəḭ-bəḭ ləm tɔ.

Amɔs 5:13

Yee gə́ bèe ɓa, mee ndəaje gə́ togə́bè lé Njekəmkàr a si gə təa mundu Mbata mee ndɔje’g neelé loo a ndɔji keneŋ pɔdɔdɔ.

Amɔs 6:10

Loo gə́ ŋgoko̰ dəw un ninee mba roo ɓa yeḛ teḛ gə siŋgaje gə́ raga ndá yeḛ a dəji dəw gə́ sí duu-loo’g mee kəi’g lé pana: See dəw kára nai səi ɓəi wa. Ndá yeḛ a kilá keneŋ pana: Wah, dəw godo... Tɔɓəi yeḛ a pa pana: Wa tai. Ɓasinè lé to kəm kar sí m’ɓar ri Njesigənea̰ el.

Tel tura Godndu 17:12

Dəw gə́ beelé ɔsee aree oo ta ta njekinjanéməs gə́ d’undá lée’g nee gə mba karee ra né ar Ala lə sí gə́ Njesigənea̰ el lé, əsé oo ta ta njegaŋ-rəwta’g el ləm tɔ ndá debee neelé d’a tɔlee gə́ tɔl ya. Togə́bè ɓa seḭ a kɔrje ne né gə́ majel mbuna Israɛlje’g,