Ojee 4:2 - Maktub gə́ To gə Kəmee

² Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Ojee 4:2 Iomraidhean Croise

Gḭ-Néje 4:8

Nɛ Kaḭ pa gə ŋgokea̰ Abel ta. Loo gə́ deḛ d’aar na̰’d mee ndɔ’g ndá Kaḭ ḭ ur dɔ ŋgokea̰ Abel’g tɔlee.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Jeremi 6:7

To gə́ bwa-mán gə́ mán Uba tir-tir keneŋ lé Togə́bè ɓa némeeyèrje ləa kara D’ɔs dɔ na̰ neg-neg keneŋ tɔ. Baŋga néra gə́ kərm-kərm ləm, Gə tuji loo ləm tɔ ɓa ɓar keneŋ, Né gə́ to gə́ tor doo bèe Ɓa m’oo gə kəm ta-ta.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ejekel 7:23

Wa dɔ kúla larje! Mbata kila məs taa mee ɓee pəl-pəl ləm, Néra kərm-kərm rusu mee ɓee-boo tub-tub ləm tɔ.

Ojee 10:13

Seḭ ndɔje kandə néra gə́ majel ləm, Seḭ injaje néra gə́ kori-korije ləma, Seḭ sɔje kandə néŋgɔmje ləm tɔ. Mbata seḭ ɔmje meḛ sí dɔ rəw-kaw síje’g ləm, Gə dɔ bao-rɔje’g lə sí gə́ bula digi-digi ləm tɔ.

Ojee 10:4

Deḛ lé pa taje budu-budu ləm, D’ubu rɔ dee gə taŋgɔm Loo gə́ deḛ man ne rɔ dee d’ar na̰ ləm tɔ. Togə́bè ɓa bo̰ néra dee kara A kuba dee naŋg bus to gə́ kag-táaje Gə́ d’uba dɔ ɓaije gə́ mee ndɔ’g bèe.

Ojee 12:14

Gə rəw gə́ rɔ njetegginta’g ɓa Njesigənea̰ ar Israɛlje D’unda ne loo mee ɓee gə́ Ejiptə teḛ ləm, Gə rəw gə́ rɔ njetegginta’g ɓa Yeḛ aa ne dɔ Israɛlje ləm tɔ.

Ojee 5:2

Gə goo nékinjanéməsje lə dee lé Njékaltaje d’ur dan néra majel’g lə dee Nɛ ma m’a kar bo̰ néra dee ɔs ta dee’g lai ya.

Ojee 6:8

Galaad to ɓee-boo lə njéra némajelje ləm, Tor məs lé to keneŋ ləm tɔ.

Ojee 6:9

Kudu njékinjanéməsje to d’asəna gə gayim-dəwje gə́ d’um loo Gə mba tɔl dəwje gə́ d’aw gə rəw gə́ aw gə́ Sikem, Mbata deḛ d’ula ne rɔ dee mbiriri dan néra gə́ majel’g.

Ojee 7:1

Loo gə́ ma m’wɔji-kwɔji kaji Israɛl ndá Néra kori-korije lə Eprayimje Gə némeeyèrje lə Samarije teḛ to raga pai-pai Mbata deḛ ra néŋgɔmje ləm, Njéɓogoje d’andə mee kəije’g ləma, Gayim-ɓogoje taa loo gir loo gə́ raga pəl-pəl ləm tɔ.

Ojee 7:3

Gə goo némeeyèrje lə dee lé Deḛ su ne kəm mbai d’ar rəa lelee ne ləm, Gə goo taŋgɔmje lə dee lé Deḛ su ne kəm ŋgan-mbaije lə dee D’ar rɔ dee lel dee ne ləm tɔ.

Ojee 7:4

Deḛ lai to njémɔdkaiyaje, To d’asəna gə bwa-bṵda Gə́ njekula-bṵda ula pər keneŋ Aree nuŋga kəd-kəd bèe ɓa Yeḛ əw rəa kɔs gel pər ɓəi Saar kar bina gə́ loḭ lé Ḭ ti ne dor-dor ɓa.

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.

Misee 6:10

See nébaoje gə́ to kḛji ləm, Gə nékwɔji-né gə́ as el Gə́ a kar néndɔl oso dɔ loo’g ləm tɔ lé To mee kəi’g lə njemeeyèr ya ɓəi wa.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Soponi 3:1

Meeko̰ a koso dɔ Jerusalem’g, Ɓee-boo gə́ to njékalta gə njera né gə́ mina̰ ləm, Ɓee-boo gə́ njekula kəm dəwje ndòo ləm tɔ!

Jakari 5:3

Yen ŋga yeḛ ulam pana: Yee ɓa to ta ndɔl gə́ a gə kwa dɔ ɓeeje lai. Mbata gə goo taree lé d’a tuba ne njéɓogoje lai gə́ d’isi loo gə́ nee’g ləm, gə goo taree lé d’a tuba ne deḛ lai gə́ njékubu rɔ dee gə taŋgɔmje gə́ d’isi loo gə́ nee’g ləm tɔ.

Jakari 7:9

Njesigənea̰ gə́ njeboo-néje pa togə́bè pana: Gaŋje rəwta gə́ gə dɔ najee ləm, Raje gə na̰ meemaji ooje ne kəmtondoo lə na̰ ləm tɔ.

Matiyo 23:35

mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

Tel tura Godndu 5:11

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ria pəd-pəd as ne loo lé yeḛ a lal kar bo̰ nérea ɔs təa’g nda̰ el.

Tel tura Godndu 5:18

I a ndal mɔdkaiya el.

Tel tura Godndu 5:19

I a ɓogo el.

1 Njé gə́ Tesalonikə 2:15

Jibje neelé deḛ tɔl Mbaidɔmbaije Jeju Kristi gə njéteggintaje ləm, deḛ d’ula kəm síjeḛ ndòo ləm tɔ. Deḛ taa kəm Ala el ləm, deḛ to njéba̰je lə dəwje lai ləm tɔ.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.