Ojee 4:1 - Maktub gə́ To gə Kəmee

¹ Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 4:1 Iomraidhean Croise

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Pakɔsje 81:9

Seḭ koso-dəwje ləm lé ooje ta gə́ m’a gə ndəji sí ne lé Seḭ Israɛlje lé maji kar sí urje mbi sí gə́ rɔm’g ya.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Esai 28:14

Seḭ njékula sul dɔ loo’gje Seḭ gə́ o̰je dɔ koso-dəwje gə́ Jerusalem lé Ooje ta lə Njesigənea̰:

Esai 34:1

Seḭ ginkoji dəwje gə raŋg lé reeje pər gə́ nee ooje! Seḭ koso-dəwje lé lelje mbi sí! Maji kar dɔ naŋg gə néje lai gə́ keneŋ ləm, Dəwje lai gə́ dɔ naŋg nee gə néje lai gə́ ḭ keneŋ ləm tɔ lé d’oo ta ya!

Esai 34:8

Mbata to ndɔ dal ba̰ lə Njesigənea̰ ləm, Gə ləb kuga dɔ ji dee Mbata né gə́ deḛ ra gə Sio̰ ləm tɔ.

Esai 5:3

Ɓasinè, seḭ gə́ síje Jerusalem Gə dəwje gə́ Juda lé Maji kar sí gaŋgje rəwta mbuna síjeḛ gə ndɔ-nduú’g ləm.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Esai 59:8

Rəw meelɔm lé Kəm dee tɔ dɔ’g sum-sum, Néra gə́ gə dɔ najee kara Godo rəw-kaw dee’g tɔ, Deḛ d’un rəwje gə́ nduni koŋ-koŋ, Nana ɓa gə́ taa rəw-kaw dee njaa keneŋ ndá Iŋga meekulɔm nda̰ el.

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Jeremi 11:7

Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Jeremi 19:3

M’a pana: Seḭ mbaije gə́ Juda gə dəwje gə́ Jerusalem, ooje ta lə Njesigənea̰! Njesigənea̰ gə́ njeboo-néje, Ala lə Israɛlje pa togə́bè pana: Aa ooje, m’a gə kar némeeko̰ ree lée’g neelé ndá nana ɓa gə́ taree a koso mbia’g ndá mbia a kudu jigi karee aar giŋ.

Jeremi 2:4

Ooje ta lə Njesigənea̰, Seḭ gel-bɔje lə Jakob ləm, Seḭ lai gə́ toje gel-bɔje lə Israɛl ləm tɔ!

Jeremi 2:9

Gelee gə́ nee ɓa ma m’ndigi Kɔr ne kəm ta kila dɔ sí’g ləm, Ma m’ndigi kɔr ne kəm ta Kila dɔ ŋgan meḛ ŋgan síje’g ləm tɔ, Njesigənea̰ ɓa pa bèe.

Jeremi 25:31

Kaa né ɓar ɔr rudu naŋg nee njal Mbata Njesigənea̰ Ra gə ginkoji dəwje gə raŋg ta, Yeḛ gaŋgta dɔ dəwje’g lai Yeḛ ɔm njémeeyèrje ta kiambas’g. Njesigənea̰ ɓa pa bèe.

Jeremi 34:4

Nɛ i Sedesias, mbai gə́ Juda, maji kari oo ta lə Njesigənea̰! Njesigənea̰ pata togə́bè wɔji ne dɔi pana: I a kwəi yoo-kiambas el.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Jeremi 5:4

Ma m’pana: Deḛ to dəwje gə́ kari ba, Deḛ ra né dɔ mbə’g, Mbata deḛ gər rəw lə Njesigənea̰ el ləm, Gə torndu Ala lə dee el ləm tɔ.

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 7:28

Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Jeremi 9:3

Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Ejekel 16:35

Gelee gə́ nee ɓa i Jerusalem gə́ to asəna gə kaiya-dené lé maji kari oo ta lə Njesigənea̰.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 12:3

Njesigənea̰ aw gə Judaje gə ta Ndá yeḛ a kar bo̰ néra njé gə́ lə Jakob ɔs ta dee’g Mbata lə panjaa dee ləm, Yeḛ a kuga dee gə goo néra dee ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Ojee 5:4

Néra deeje ɔg dee loo tel ree rɔ Ala’g lə dee Mbata takə̰ji kuba Ala kyá̰ to mbuna dee’g ləm, Mbata deḛ gər Njesigənea̰ el ləm tɔ.

Joɛl 1:2

Seḭ ɓugaje lé urje mbi sí ooje ne ta neelé Seḭ dəw-mee-ɓeeje lé oreeje mbi sí ndəŋ dɔ ta’g neelé to! Né gə́ togə́bè lé see teḛ mee ndəa gə́ seḭ síje keneŋ lé Esé mee ndəa’g lə bɔ síje-je ya wa.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 7:16

Ɓasinè, maji kari oo ta lə Njesigənea̰, i Amasia gə́ pa pana: M’tegginta m’ila dɔ Israɛlje’g el ləm, m’pata m’ila dɔ gel-bɔje’g lə Isaak el ləm tɔ lé.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Tagə́maji gə́ Ja̰ ndang 8:55

nɛ seḭ lé seḭ gəreeje el. Ma lé ma m’gəree gao, ɓó lé ma m’pana: Ma m’gəree el ndá m’a to gə́ njeŋgɔm to gə́ seḭ bèe tɔ. Nɛ ma m’gəree gao ləm, m’aa dɔ ta ləa kər-kər ləm tɔ.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

1 Njé gə́ Kɔrḭtə 15:34

Gə́ telje sije kəmba dɔ néra gə́ gə dɔ najee ɓó əwje kaiya lə sí, yee ɓa gə́ né gə́ kəm ra, mbata njé gə́ na̰je gər ndaa Ala el, yee ɓa m’pa m’ila ne rɔkul dɔ sí’g ya.

Loo gə́ killa rea kəm Ja̰’g 2:11

Yeḛ gə́ mbia to gən ndá maji karee oo ne ta gə́ Ndil ɓa ula Eglisəje: Nana ɓa gə́ un baŋga ndá yoo gə́ joo a kula kəmee ndòo el ŋga.

Loo gə́ killa rea kəm Ja̰’g 2:29

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.