Ojee 3:1 - Maktub gə́ To gə Kəmee

¹ Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Ojee 3:1 Iomraidhean Croise

2 Samel 6:19

Tɔɓəi yeḛ kai koso-dəwje gə́ Israɛl lai, diŋgamje gə denéje lé nana kara yeḛ aree pil muru kára ləm, gə kɔr da ləm, gə mbə gə́ d’ila ləma, gə Kandə-nduú ləm tɔ. Ndá koso-dəwje lai d’ḭ d’aw, nana kara aw kəi ləa kəi ləa ya.

2 Mbaije 13:23

Nɛ Njesigənea̰ oo kəmtondoo lə dee ar mée oso lemsé dɔ dee’g ləm, yeḛ tel kəmee par gə́ rɔ dee’g ləm tɔ mbata manrɔ ləa gə́ yeḛ man ar Abrakam gə Isaak gə Jakob lé, yee ɓa yeḛ ndigi tuji dee ne el ndá saar mee ndəa gən lé kara yeḛ un ne kəmee rəw dɔ dee’g el.

1 Sôrta Gḭka-Israɛlje 16:3

Tɔɓəi yeḛ kai deḛ lai gə́ to Israɛlje lé, diŋgamje gə denéje, nana kara yeḛ aree pil muru kára ləm, gə mbə gə́ d’ila gə tumbur ləma, gə kandə nduú gə́ tudu ləm tɔ.

Nehemi 9:31

Nɛ gə goo boo-meekɔrjol ləi lé I tuji dee el ləm, I uba dee ya̰ dee el ləm tɔ Mbata i to Ala gə́ njemeekaw taḭ-taḭ ləm, Gə njemeekɔrjol ləm tɔ.

Pakɔsje 123:2

Aa oo, to gə́ kəm kuraje lé wəi sḭ dɔ ji ɓée deeje’g ləm, To gə́ kəm kura gə́ dené wəi sḭ dɔ ji ɓéeje gə́ dené bèe ləm tɔ lé Jeḛ nja kara n’telje ne kəm sí par gə́ rɔ Njesigənea̰ Ala’g lə sí togə́bè to Saar gə mba karee oo ne kəmtondoo lə sí.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Pa gə́ ur dɔ paje 2:5

Maji kar sí gədmje gə mbə kandə nduú Arje siŋgam ḭ ne dɔ maree’g Gə kandə kag-pɔmə Mbata m’to rɔko̰ ndigi na̰ ya.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Jeremi 3:20

Nɛ to gə́ dené to majikoji el no̰ ŋgabeeje’g lé Seḭ gel-bɔje lə Israɛl kara Toje majikojije el nɔm’g togə́bè tɔ, Njesigənea̰ ɓa pa bèe.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Ojee 7:5

Ndɔ ra naḭ lə mbai lé Ŋgan-mbaije d’oso gə rɔko̰ Mbata mán-nduú gə́ mḭ gə́ d’ai yaa̰ lé. Mbai ɔm na̰’d gə njékula sul dɔ loo’gje.

Amɔs 2:8

Kubuje gə́ tona dee ne néje lé Deḛ lab naŋg to keneŋ Mbɔr loo-nékinjanéməsje’g kára-kára lai ləm, Mee kəi-magəje’g lə dee-deḛ ya Deḛ d’ai mán-nduú lə deḛ gə́ deḛ gaŋgta dɔ dee’g ləm tɔ.

Amɔs 6:6

Deḛ d’ai mán-nduú mee baije gə́ boi-boi ləm, Deḛ d’wa rɔ dee gə ubu Gə́ maji ur dɔ mareeje’g ləm tɔ Nɛ meḛ dee o̰ dee Dɔ tuji gə́ oso dɔ ginkoji’g lə Jisəb lé el.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Matiyo 26:50

Tɔɓəi yeḛ ɔd il ɓɔlee. Jeju dəjee pana: Kuramarm, see né gə́ a gə ra lé ya ɓa ra nen wa.

1 Njé gə́ Kɔrḭtə 10:21

Seḭ asjekəm kaije né gə́ mee ŋgo-kai-né’g lə Mbaidɔmbaije gə korè gə ka̰ ndilje gə́ yèr na̰’d el ləm, seḭ asjekəm sije ta ka nésɔ’g lə Mbaidɔmbaije gə korè gə ka̰ ndilje gə́ yèr lé el ləm tɔ.

1 Njé gə́ Kɔrḭtə 10:7

Maji kar sí toje njépole-magəje to gə́ njé gə́ na̰je gə́ mbuna dee’g lé el. To gə́ deḛ ndaŋg mee maktub’g pana: Koso-dəwje d’isi naŋg gə mba sɔ gə kai ɓa gə mba kuba loo kḭ ndam ɓəi.

1 Piɛrə 4:3

Tɔgərɔ ya, ləw ɓa seḭ nja raje né gə́ meḛ njépole-magəje ɓa wɔji, seḭ ya̰je rɔ sí arje kaiya gə́ ula pər meḛ sí’g ləm, gə kəmkəḭ ləm, gə kaw gə́ dəw-kido ləm, gə nésɔ gə́ mbula meḛ sí’g ləm, gə nékai gə́ aije areeje al dɔ sí ləma, gə magəje gə́ ram ləm tɔ. Néje nee gə́ seḭ raje lé as lée’g mba̰.

Njéga̰g-Rəwtaje 10:16

Yen ŋga deḛ tɔr magəje gə́ dɔ ɓee’d gə́ to mbuna dee’g, tɔɓəi deḛ d’wa Njesigənea̰ meḛ dee’g ndá mée tɔsee mbigi-mbigi mbata lə boo-nékəmndoo gə́ Israɛlje d’isi danee’g lé.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.