Ojee 2:9 - Maktub gə́ To gə Kəmee

⁹ Yeḛ a ndoné goo njéto səaje’g Nɛ yeḛ a kiŋga dee el, Yeḛ a saŋg dee nɛ a kiŋga dee el tɔ. Tɔɓəi yeḛ a pana: N’a tel kaw rɔ ŋgaw neḛje’d gə́ dɔtar, Mbata rɔlel gə́ n’iŋga kédé lé Ur dɔ yee gə́ n’isi ne ɓasinè.

Ojee 2:9 Iomraidhean Croise

Ejekel 16:27

Bèe ɓa aa oo, neḛ n’ula ji neḛ ndiŋ gə́ dɔi’g ndá né gə́ neḛ n’wɔji ne dɔi lé n’ɔr təa tɔɓəi neḛ n’ubai n’ya̰’i ji njéba̰je’g ləi gə́ to ŋgalə Pilistije gə́ dené gə́ d’isi gə rɔkul mbata lə panjaai gə́ to rɔkul lé mba kar dee ra səi né gə́ meḛ dee ndigi.

Ejekel 16:39

N’a kilai ji dee’g ndá d’a təd kəije gə́ ka̰ ra kaiya ləi rém-rém ləm, d’a tuji looje ləi gə́ ndəw ləm tɔ, deḛ d’a tɔr kubuje ləi rɔi’g ləm, d’a taa néɗɔi-rɔ ləi gə́ maji dum kya̰’i kari ba kari-kari kari sí gə kudi dum ba ləm tɔ.

Ejekel 23:26

D’a tɔr kubuje ləi gə́ rɔi’g ləm, d’a tɔr néma̰dje ləi gə́ i ɗɔi ne rɔi lé ləm tɔ.

Loo gə́ killa rea kəm Daniel’g 11:13

Mbata mbai gə́ dɔgel a kḭ tel mbo̰ koso-njérɔje bula unda njé gə́ kédé, tɔɓəi loo gə́ ndɔje gə́ na̰je gə ləbje gə́ na̰je dəs mba̰ ndá yeḛ a kɔr rɔ kaw gə boo-njérɔje neelé ləm, gə boo-nébaoje ləm tɔ mba kaw rɔ ne.

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Ojee 9:2

Nésɔ gə́ ḭ loo-kunda-kó’g ləm, Gə nékai gə́ ḭ loo-mbula-Kandə-nduú’g ləm tɔ lé A to ka̰ dee el ləm, Man-nduú gə́ sigi a na dee tas ləm tɔ.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.