Ojee 2:5 - Maktub gə́ To gə Kəmee

⁵ Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 2:5 Iomraidhean Croise

Esai 1:21

See ban ɓa ɓee-boo gə́ njekila koji lé ya Tel to asəna gə kaiya-dené bèe wa! Kédé lé néra gə́ gə goo rəbee taa loo keneŋ pəl-pəl ləm, Néra gə́ gə dɔ najee ɓa ra ɓee keneŋ ləm tɔ, Nɛ ɓasinè ndá njétɔl dəwje ɓa d’isi keneŋ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 13:22

Ɓó lé i pa məəi’g pana: Gelee ban ɓa né nee Teḛ ne dɔi’g togə́bè wa Ndá to mbata Boo-néraje ləi gə́ kori-kori ɓa Ar dee kə́ ne ta kubuje ləi gə́ tar ləm, Ar dee ra ne səi né gə́ kərm-kərm Ar gel gɔli to ne kari ba ləm tɔ.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Ejekel 16:35

Gelee gə́ nee ɓa i Jerusalem gə́ to asəna gə kaiya-dené lé maji kari oo ta lə Njesigənea̰.

Ejekel 16:39

N’a kilai ji dee’g ndá d’a təd kəije gə́ ka̰ ra kaiya ləi rém-rém ləm, d’a tuji looje ləi gə́ ndəw ləm tɔ, deḛ d’a tɔr kubuje ləi rɔi’g ləm, d’a taa néɗɔi-rɔ ləi gə́ maji dum kya̰’i kari ba kari-kari kari sí gə kudi dum ba ləm tɔ.

Ejekel 16:4

Ndɔ kojii’g lé d’inja kúla kumi el ləm, ndogi mán mba kar rɔi àr el ləm, d’usi gə kad el ləma, ɓirii gə kubu el ləm tɔ.

Ojee 1:2

Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Ojee 2:2

Yen ŋga Judaje gə Israɛlje lé D’a tel mbo̰ dɔ na̰ kɔr dəw kára kundá gə́ mbai dɔ dee’g Ndá d’a kunda loo mee ɓee’g neelé teḛ: Mbata ndɔ lə Jisreel a to ndɔ gə́ boo.

Ojee 2:8

Gelee gə́ nee ɓa aa oo, Neḛ Njesigənea̰ lé N’a kudu rəw-kabee gə kunje ləm, N’a kunda ndògo-bɔrɔ gaŋgee ne ləm tɔ Gə mba karee iŋga kila-rəwje ləa el ŋga.

Ojee 3:1

Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Ojee 4:5

Seḭ a kosoje dan kàrá ya ləm, Njetegginta a koso sə sí na̰’d loondul’g ya ləma, M’a tuji ko̰ síje pugudu ya ləm tɔ.

Ojee 8:9

Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.

Ojee 9:10

Ma m’iŋga Israɛlje asəna gə kandə nduúje gə́ dɔdilaloo’g bèe ləm, Ma m’oo bɔ síje-je asəna gə kandə kodé gə́ doŋgɔr bèe ləm tɔ. Nɛ deḛ d’aw ndolè goo magə-Baal-Peɔr, Deḛ d’un rɔ dee d’unda gə kəmee d’ar magə gə́ yèr lé Ndá deḛ kara tel to ne né gə́ mina̰ Asəna gə magə neelé gə́ deḛ d’undá dan kəm dee’g bèe tɔ.

Amɔs 8:13

Mee ndəa’g neelé ŋgama̰dje gə́ maji péd-péd ləm, gə basaje ləm tɔ lé D’a kwəi yoo-kunda mán ya.

Njéga̰g-Rəwtaje 16:23

Ndɔ kára bèe, mbaije lə Pilistije-je lé mbo̰ dɔ na̰ mba kinja nékinjaməs gə́ boo kar Dago̰, magə lə dee ləm, mba kal ne rɔ dee ləm tɔ. Deḛ pana: Ala lə sí ila Samso̰ Gə́ to njeba̰ lə sí lé ji sí’g ŋga.