Ojee 2:4 - Maktub gə́ To gə Kəmee

⁴ Njesigənea̰ pana: Maji kar sí no̰je ilaje ne ta dɔ ko̰ síje’g Mbata yeḛ to dené lə neḛ el ŋga ləm, Neḛ kara n’to ŋgabeeje el ŋga ləm tɔ! Maji karee tuji ndaji néra kaiya-dené gə́ to kəmee’g ləm, Gə tuji ndaji némɔdkaiyaje gə́ Karee’g lé ləm tɔ.

Ojee 2:4 Iomraidhean Croise

2 Mbaije 9:22

Loo gə́ Joram oo Jehu ndá yeḛ pana: Jehu, see ree gə meelɔm ya wa. Jehu ilá keneŋ pana: See ree gə meelɔm ŋga ɓa gə́ ta ɗi wa. Loo gə́ kaiya ra kɔḭ gə́ Jejabel gə́ to njepole magə to keneŋ ləm, boo-némbeḛje ləa to keneŋ ɓəi ləm tɔ lé see loo a to gə́ majee to gə́ ban wa.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 16:5

Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Ejekel 23:25

N’a kɔm oŋg lə neḛ dɔi’g ndá d’a ra səi gə goo boo-oŋg ləm, d’a tḭja əmi gə mbiije ləma, ges njé’g ləi gə́ nai ndá d’a kwəi yoo-kiambas ləm tɔ, d’a taa ŋganije gə́ diŋgam gə njé gə́ dené ndá ges njé’g ləi gə́ nai lé d’a roo dee tɔ.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ojee 1:2

Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Ojee 5:7

D’ila ŋgonkoji dɔ Njesigənea̰’g el Mbata deḛ d’oji ŋganje gə́ to baukoréje, Ɓasinè lé naḭ gə́ kára ba ya a kas Kar dee tuji gə némajije lə dee na̰’d.

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Tagə́maji gə́ Ja̰ ndang 8:41

Néra bɔ síje ɓa seḭ raje ya. Deḛ d’ilá keneŋ pana: Jeḛ lé jeḛ n’to gə́ ŋgan bɔ korèje el, bɔ síjeḛ nja kára ba to gə́ Ala ya.

Njé gə́ Rɔmə 11:22

Meemaji lə Ala ləm, gə néra gə́ kədərə gə́ dum maree gə́ yeḛ ra ləm tɔ lé maji kari la̰ji toree məəi’g: néra gə́ kədərə gə́ dum maree gə́ yeḛ a ra gə deḛ gə́ d’oso nɛ meemaji ləa gə́ yeḛ ra səi-i ɓó lé i aar dɔ gɔli’g njaŋg gin meemaji ləa’g ya. Ɓó lé i aar dɔ gɔli’g njaŋg keneŋ el ndá yeḛ a tugai tɔ.

Njé gə́ Rɔmə 9:18

Togə́bè ɓa, yeḛ wa noji gə yeḛ gə́ yeḛ ndigi kwa səa noji ləm, dəw gə́ yeḛ ndigi kar mée ndər ɓa yeḛ ar mée ndər to gə́ mée-yeḛ nja ndigi ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.