Ojee 2:12 - Maktub gə́ To gə Kəmee

¹² Bèe ɓa ɓasinè n’a kɔr kubu kudee’g kəm njéto səaje’g Ndá dəw kára kara a kɔree ji neḛ’g el.

Ojee 2:12 Iomraidhean Croise

Pakɔsje 80:12

Yeḛ ula barkəmeeje lé njal teḛ ne dɔ baa-boo-kad’g, Barkəmeeje lé d’alé saar teḛ dɔ baa’g tɔ.

Esai 29:17

Lam gə́ kédé ɓəi ndá Ɓee gə́ Liba̰ a tel to dɔ naŋg gə́ maji kó, Tɔɓəi d’a koo dɔ naŋg gə́ maji kó lé Asəna gə mee kag-kɔr bèe.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 7:23

Mee ndəa’g neelé Looje lai gə́ kag-nduú a to keneŋ tɔl-dɔg (1.000) Gə́ gad dee as larnda tɔl-dɔg (1.000) lé D’a kya̰ kar kunje gə ŋgarje tur dɔ dee.

Jeremi 13:26

N’a kun gel kubu ləi gə́ tar Saar teḛ ne kəmi’g Mba kar dee d’oo ne loo-rɔkul ləi.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Jeremi 8:13

Ma m’ndigi kar dee d’udu guduru, Njesigənea̰ ɓa pa bèe. Kandə nduú a godo rɔ nduú’g ləm, Kandə kodé a godo rɔ kodé’g ləma, Kam dee a ndòlé ləm tɔ, Néje lai gə́ ma m’ar dee kédé lé D’a sané pá rɔ dee’g.

Ojee 13:8

M’a kur dɔ dee’g asəna gə ko̰ da-urs Gə́ d’odo ŋganee bèe Ndá m’a kwa dee riba meḛ dee ŋgərərə-ŋgərərə ləm, M’a rum dee to gə́ ko̰ toboḭ gə́ rum ne né bèe ləm tɔ, Daje gə́ wala ɓa d’a ti dee mbidi-mbidi.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Ojee 9:1

Seḭ Israɛlje lé, maji kar sí raje rɔlel əsé alje rɔ sí To gə́ ginkoji dəwje gə́ raŋg bèe el, Mbata kuba gə́ seḭ ubaje Njesigənea̰ lə sí yá̰je Asəna gə kaiya-dené bèe ləm, Mbata loo-kunda-koje lai-lai Gə́ seḭ ndigi taaje nékoga dɔ ji sí gə́ mina̰ keneŋ ləm tɔ!

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.