Ojee 2:11 - Maktub gə́ To gə Kəmee

¹¹ Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Ojee 2:11 Iomraidhean Croise

1 Mbaije 12:32

Yeḛ tum gin ra naḭ mee naḭ gə́ njekɔm’g jinaijoo mee ndɔ gə́ njekɔm’g dɔg-giree-mi lə naḭ’g neelé mba karee to asəna gə naḭ gə́ deḛ ra mee ɓee gə́ Juda lé tɔ, tɔɓəi yeḛ inja nékinjanéməsje dɔ loo-nékinjaməs’g. Aa ooje, né gə́ deḛ ra Betel gə mba kar dee d’inja ne nékinjaməs no̰ néndaji ŋgan maŋgje gə́ yeḛ ra dee lé ɓa to nee: Yeḛ unda njékinjanéməsje gə́ wɔji dɔ looje gə́ ndəw gə́ yeḛ unda Betel lé.

Jeremi 16:9

Mbata Njesigənea̰ gə́ njeboo-néje, Ala lə Israɛlje pa togə́bè pana: Aa ooje, lé neelé n’a kunda ŋgaŋ ndu kii rɔlel gə boo-rɔkal gə ndu paje lə njedené-sigi gə ka̰ njeŋgao-sigi kəm sí’g mee ndəaje’g lə sí.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Ejekel 26:13

N’a kar ndu paje lə njé’g ləi ɓar el ŋga ləm, d’a koo ndu kṵdu-kagje ləi el ŋga ləm tɔ.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 5:7

D’ila ŋgonkoji dɔ Njesigənea̰’g el Mbata deḛ d’oji ŋganje gə́ to baukoréje, Ɓasinè lé naḭ gə́ kára ba ya a kas Kar dee tuji gə némajije lə dee na̰’d.

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Amɔs 5:21

Loo naḭje lə sí lé neḛ n’wa gə mee neḛ, N’ə̰ji dee bəḭ-bəḭ ləm, Loo-mbo̰-dɔ-na̰je lə sí lé kara n’askəm taa baḭyee el ləm tɔ.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Amɔs 8:5

Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.