Ojee 2:1 - Maktub gə́ To gə Kəmee

¹ Nɛ lé togə́bè kara bula lə Israɛlje A to kasəna gə nagəra gə́ ta baa-boo-kad’d Gə́ dəw askəm kwɔji əsé tura el. Loo gə́ Ala ula dee keneŋ kédé pana: Seḭ toje koso-dəwje ləm el lé Ndá a tel kula dee pana: Seḭ toje ŋgan-Alaje gə́ Njesikəmba lé!

Ojee 2:1 Iomraidhean Croise

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 32:38

D’a to koso-dəwje ləm ndá m’a to Ala lə dee tɔ.

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Ejekel 11:20

Togə́bè seḭ a kunje goo ndukunje lə neḛ ləm, seḭ a kaaje dɔ godnduje lə neḛ kər-kər mba ra née ləm tɔ, bèe ɓa seḭ a toje koso-dəwje lə neḛ ləm, n’a to Ala lə sí ləm tɔ.

Ejekel 36:11

N’a kar bula lə dəwje gə daje ḭ dɔ maree’d gə́ kédé-kédé, d’a bula gə́ kédé-kédé ləm, d’a koji na̰ gə́ kédé-kédé ləm tɔ, neḛ ndigi kar dəwje d’isi mee ɓee’g neelé to gə́ d’isi keneŋ kédé ndá n’a ra sə sí meemaji unda nje gə́ kédé tɔ, bèe ɓa seḭ a gərje ne to gə́ neḛ n’to Njesigənea̰ ya.

Ejekel 36:28

Seḭ a síje mee ɓee gə́ neḛ n’ar bɔ síje-je lé, seḭ a toje koso-dəwje lə neḛ ndá neḛ n’a to Ala lə sí tɔ.

Ejekel 37:27

Loo-si neḛ a to mbuna dee’g ləm, n’a to Ala lə dee ləma, deḛ d’a to koso-dəwje lə neḛ ləm tɔ.

Ojee 2:2

Yen ŋga Judaje gə Israɛlje lé D’a tel mbo̰ dɔ na̰ kɔr dəw kára kundá gə́ mbai dɔ dee’g Ndá d’a kunda loo mee ɓee’g neelé teḛ: Mbata ndɔ lə Jisreel a to ndɔ gə́ boo.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

1 Timote 1:13

Ma lé kédé m’to gə́ njekila ndɔl dəa’g ləm, gə njekula kəmee ndòo ləma, gə njera né gə́ ga̰gma̰d ləm tɔ. Nɛ yeḛ ar mée oso lemsé dɔm’g mbata né gə́ ma m’ra lé m’ra dɔ mbə’g loo gə́ ma m’nai gə́ njetaree gə́ tar ɓəi.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.