Ojee 13:6 - Maktub gə́ To gə Kəmee

⁶ Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 13:6 Iomraidhean Croise

Nehemi 9:35

Loo gə́ deḛ d’isi dan némajije’g bula Mee ɓeeko̰ gə́ i ar dee lé ləm, Mee ɓee gə́ tad rəg-rəg gə́ to dɔ naŋg koje ləm tɔ kara Deḛ d’wai meḛ dee’g el ləm, Deḛ d’uba goo némajelje lə dee d’ya̰ el ləm tɔ.

Pakɔsje 10:4

Njemeeyèr lé pa gə kəsta pana: Ala a kar bo̰ néra neḛ ɔs ta neḛ’g el. Ala si gən pai godo. Takə̰ji ləa ya lai nee ndá.

Gosota-Kəmkàrje 30:9

Nà banelə loo gə́ m’a si dan néje’g bèdèg ndá M’a mbadi pa ne pana: see Njesigənea̰ ɓa to nawa. Esé loo gə́ m’a si dan ndòo’g ndá M’a ɓogo kila ne ndɔl dɔ ri Ala’g lé ləm tɔ.

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Jeremi 5:7

See m’a kar məəm oso ləmsé dɔ sí’g mba ɗi wa. Ŋgan síje d’ubam d’ya̰’m ləm, Deḛ manrɔ dee gə ri magəje gə́ ŋgɔm ləm tɔ. Ma m’ar dee d’isi dan néje’g lai Gə́ d’aw ndòo dee Nɛ d’ya̰ rɔ dee yag Dan néra kaiya-dené’g ləm, Deḛ rusu mee kəi lə kaiya-dené tub-tub ləm tɔ.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ejekel 28:5

Gə goo boo-kəmkàr ləi gə tel kəm lar ləi ɓa i ar nébaoje ləi d’ḭ ne dɔ maree’d gə́ kédé-kédé tɔɓəi nébaoje ləi lé d’ari beelé məəi’g.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.

Ojee 12:8

Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 4:7

Loo gə́ deḛ bula d’ɔs goo na̰ gə́ kédé-kédé ndá Deḛ ra kaiya gə́ kédé-kédé D’ɔsm ne rəw tɔ. Bèe ɓa m’a kar rɔnduba lə dee Tel to rɔkul dɔ dee’g.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Ojee 8:4

Deḛ d’unda mbaije lə dee Gə goo ndukun ləm el ləm, Deḛ d’unda ŋgan-mbaije lə dee Lal karm m’oo sə dee ləm tɔ. Larnda gə larlɔr lə dee lé Deḛ léḛ dee gə́ magəje, Gelee gə́ nee ɓa d’a tuji ne pugudu ya.

Tel tura Godndu 32:18

Seḭ ubaje kɔr mbal gə́ oji sí lé yá̰je ləm Seḭ arje meḛ sí unda pudum dɔ Ala’d Gə́ to ginkoji sí lé ləm tɔ.