Ojee 13:3 - Maktub gə́ To gə Kəmee

³ Gelee gə́ nee ɓa d’a to ne kasəna Gə mum gə́ oso teḛ gə́ ndɔ ləm, D’a to ne kasəna Gə mán tàl gə́ wa waga ɓa gəḭ ɓəi ləm, D’a to ne kasəna Gə tisa kó gə́ lel sané kad loo-kunda-kó’g bèe ləma, D’a to ne kasəna Gə sa pər gə́ teḛ kəmbolè’g bèe ləm tɔ.

Ojee 13:3 Iomraidhean Croise

Maktub gə́ wɔji dɔ Jɔb 21:18

Ar dee to d’asəna gə mu gə́ lel odo bèe ləma, Ar dee to d’asəna gə tisa gə́ lel mal ɔr aw ne ləm tɔ bèe wa.

Maktub gə́ wɔji dɔ Jɔb 30:15

Ɓəl-boo gugu dɔm sub ləm, Rɔnduba ləm dəs to gə́ lel bèe ləma, Si maji ləm dəs to gə́ mum gə́ dəs bèe ləm tɔ.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 68:2

Ala ḭta ndá njéba̰je ləa sanéna̰ kad-kad ləm, Njétḭ səaje lé kara d’aḭ ne nea̰’g ləm tɔ!

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Soponi 2:2

Kédé ɓa gə mba kar godndu gə́ wɔji dɔ sí aw lée’g béréré ɓəi ləm Kar ndəa neelé dəs to gə́ tisa kó gə́ dəs ɓəi ləm, Kédé ɓa kar oŋg lə Njesigənea̰ gə́ to asəna gə kɔr pər bèe lé ɔm dɔ sí’g ɓəi ləma, Kédé ɓa gə mba kar ndɔ oŋg lə Njesigənea̰ lé teḛ dɔ sí’g ɓəi ləm tɔ.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.