Ojee 12:2 - Maktub gə́ To gə Kəmee

² Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 12:2 Iomraidhean Croise

2 Mbaije 17:4

Nɛ mbai gə́ Asiri oo to gə́ ta kula njuma̰ to mee kəi’g lə Ojee: mbata Ojee lé ula njékaḭkulaje rɔ mbai gə́ Ejiptə gə́ ria lə Sɔ ləm, yeḛ mbad kuga mbai gə́ Asiri lé lar-gədɓee gə́ gə ləb-ləb lé ləm tɔ. Bèe ɓa mbai gə́ Asiri lé wá təa gə kúla lar ilá daŋgai’g.

Maktub gə́ wɔji dɔ Jɔb 15:2

See njekəmkàr a tel kila ta gə́ yeḛ gər ginee njai el gə mḭdé ba wa. Esé see yeḛ a kar lel gə́ ḭ bər rusu mée tub-tub wa.

Pakɔsje 78:36

Nɛ deḛ su kəmee gə ta dee ləm, Deḛ d’ulá taŋgɔm ya ləm tɔ.

Njekillamber 5:15

Yee neelé to némajel gə́ boo ya tɔɓəi. Yeḛ tel aw naŋg to gə́ yeḛ ree ne lé ya. Kula gə́ yeḛ ra ar lel ɓa sané ne bèe lé See ɗi ɓa yeḛ iŋga keneŋ wa.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Jeremi 25:31

Kaa né ɓar ɔr rudu naŋg nee njal Mbata Njesigənea̰ Ra gə ginkoji dəwje gə raŋg ta, Yeḛ gaŋgta dɔ dəwje’g lai Yeḛ ɔm njémeeyèrje ta kiambas’g. Njesigənea̰ ɓa pa bèe.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 4:9

Né gə́ ra njékinjanéməsje lé A ra koso-dəwje togə́bè ya tɔ. M’a kar bo̰ néra dee ɔs ta dee’g Gə goo panjaa dee ləm, M’a kuga dee Gə goo kula ra dee ra dee ya ləm tɔ.

Ojee 7:1

Loo gə́ ma m’wɔji-kwɔji kaji Israɛl ndá Néra kori-korije lə Eprayimje Gə némeeyèrje lə Samarije teḛ to raga pai-pai Mbata deḛ ra néŋgɔmje ləm, Njéɓogoje d’andə mee kəije’g ləma, Gayim-ɓogoje taa loo gir loo gə́ raga pəl-pəl ləm tɔ.

Ojee 7:11

Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Ojee 8:10

Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 8:9

Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Njé gə́ Rɔmə 2:6

Mee ndəa’g neelé Ala a kuga nana kara gə goo kula rəa-rəa ya.

Njé gə́ Galati 6:7

Suje kəm rɔ sí el, dəw kára kara a kən gə Ala el. Né gə́ dəw dubu lé a kiŋga née ya.