Ojee 11:9 - Maktub gə́ To gə Kəmee

⁹ M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Ojee 11:9 Iomraidhean Croise

2 Samel 20:10

Amasa unda kəmkàr dɔ rəa’d gə mbata kiambas gə́ to ji Joab’g lé el, ndá Joab ɔs ne mée mbudu ɔm ŋgan siḭyee naŋg lal kɔsee jia joo ndá Amasa wəi tɔ. Joab, deḛ gə ŋgokea̰ Abisai d’aw korə Seba, ŋgolə Bikri lé.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 48:9

Mbɔl dɔ rim ɓa M’ya̰ ne goo oŋg ləm yɔgɔ, Gə mbata rɔnduba ləm ɓa M’ɔg ne rɔm dɔ sí’g Lal tuji sí ne pugudu gə no̰.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Jeremi 26:3

Banelə d’a koo ta ləm kar nana kara ɔs badm tel ya̰ goo rəw-kabee gə́ majel. Bèe ɓa m’a kya̰ goo némajel gə́ m’wɔji gə mba ra sə dee mbata néra majelje lə dee lé.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Malasi 3:6

Ma kara m’a tel ree mbata ma lé m’to Njesigənea̰ ɓó m’tel rɔm ɓəd el. Bèe ɓa seḭ ŋgaka Jakob lé seḭ tujije ne el.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Tel tura Godndu 13:17

Seḭ a mbo̰je nébanrɔje lai ndaa-loo’g ndá seḭ a rooje ɓee-boo neelé dula-dula gə nébanrɔje lai gə́ to keneŋ no̰ Njesigənea̰ Ala’g lə sí: yee a tel to nduba ya piu-piu gə no̰ ɓó d’a tel kundá gogo nda̰ el.

1 Samel 26:8

Yen ŋga Abisai ula Dabid pana: Ɓogənè Ala ila njeba̰ ləi meḛ jii’g. M’ra ndòo rɔi’g, ya̰ loo am m’ɔsee gə ko̰-niŋga ya, m’a kɔsee ji kára ba ya kɔree naŋg ɓó m’a tel kɔsee ji joo el.