Ojee 10:8 - Maktub gə́ To gə Kəmee

⁸ Dɔ looje gə́ ndəw gə́ Bet-Aben Loo gə́ Israɛlje ra kaiya keneŋ lé D’a tuji pugudu, Kunje gə kun-pɔrɔrɔje D’a kuba loo-pole-magje’g lə dee. D’a kula mbalje pana: Juraje dɔ sí’g! D’a kula dɔdərlooje pana: Ɓuguje dɔ sí’g!

Ojee 10:8 Iomraidhean Croise

Gḭ-Néje 3:8

Loo gə́ kàr unda jia dɔ kam’g ler ndá, deḛ d’oo ndu Njesigənea̰ Ala gə́ njaa mee ndɔ’g, tɔɓəi diŋgam deḛ gə dené ləa lé d’aḭ d’iya rɔ dee əw kəm Njesigənea̰ Ala’g mbuna kagje’d gə́ mee ndɔ’g lé.

1 Mbaije 13:2

Yeḛ pata gə ndia gə́ boi wəl ila ne ndɔl dɔ loo-nékinjaməs’g lé gə goo ta gə́ Njesigənea̰ pa lé pana: Loo-nékinjaməs! Loo-nékinjaməs! Njesigənea̰ pa togə́bè pana: Aa ooje, d’a koji ŋgon gə́ diŋgam mee kəi’g lə Dabid, d’a kunda ria lə Jojias, yeḛ a tɔl njékinjanéməsje gə́ wɔji dɔ looje gə́ ndəw dɔi’g, deḛ gə́ d’aw roo néje gə́ ə̰də sululu dɔi’g lé tɔɓəi siŋga dəwje kara d’a roo dɔi’g tɔ.

1 Mbaije 13:34

Yee gə́ nee ɓa gə́ gin kaiya lə gin bauje lə Jeroboam ləm, yee gə́ nee ɓa gə́ gel tuji gə́ deḛ tuji ne ləma, gə kudu gə́ d’udu ne bo̰ dɔ naŋg nee ləm tɔ.

1 Mbaije 14:16

Yeḛ a sula Israɛlje sɔgɔ kya̰ dee mbata kaiyaje gə́ Jeroboam ra ləm gə kaiyaje gə́ yeḛ ar Israɛlje kara ra ləm tɔ.

2 Mbaije 23:15

Loo-nékinjaməs gə́ Betel gə dɔ loo gə́ ndəw gə́ Jeroboam gə́ to ŋgolə Nebat ra ɔs ne Israɛlje ar dee ra ne kaiya lé yeḛ tɔs tila ləm, yeḛ roo loo gə́ ndəw aree tel to bu ləma, yeḛ roo magə lé ləm tɔ.

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 32:13

Gə dɔ naŋg lə koso-dəwje ləm Gə́ kunje gə kun-pɔrɔrɔje d’uba keneŋ ləma, Gə dɔ kəije lai gə́ kédé maji yaa̰ Mee ɓee-boo gə́ to ɓee-rɔlel lé ləm tɔ.

Esai 34:13

Kunje d’a kuba dan mee kəi-mbaije’g ləa ləm, Kun-pɔrɔrɔje gə ŋgarje d’a kuba kəi-kaar-kɔgərɔ’g ləa ləm tɔ. Ndá a tel to loo-to tàlje ləm, Gə loo-kaar miruje ləm tɔ.

Ojee 10:2

Meḛ dee tɔ joo ndá d’a koo kea̰ ya. Njesigənea̰ a gə tɔs loo-pole-magje lə dee tila ləm, A gə tuji néndajije lə dee gə́ to kɔr mbalje lé ləm tɔ.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 10:9

Ǝi Israɛlje, un kudee mee ndəa gə́ Gibea’g saar ɓasinè lé Seḭ raje kaiya. Lée neelé deḛ d’aar dɔ gɔl dee’g njaŋg Ŋga see ra rɔ tuji ne njémeeyèrje gə́ Gibea lé See a to nékəmra el wa.

Ojee 2:6

N’a koo kəmtondoo lə ŋganeeje lé el Mbata deḛ to ŋganeeje gə́ to ŋgan kaiyaje

Ojee 4:13

Deḛ d’inja néməsje dɔ sém mbalje’g tar ləm, Deḛ roo néje gə́ ə̰də sululu dɔ dɔdərlooje’g Gel kagje gə́ ɓar dee sɛnəje gə pəplierje gə térébḭtəje Gə́ ndil dee to maji ya ləm tɔ. Gelee gə́ nee ɓa ŋgan síje gə́ dené D’ya̰ rɔ dee dan mɔdkaiya’g ləm, Məm síje-je gə́ dené kara Tel to ne kaiya-denéje ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 5:8

Imje to̰to̰ mee ɓee gə́ Gibea ləm, Imje to̰to̰ mee ɓee gə́ Rama ləm tɔ! Urje kò-rɔ mee ɓee gə́ Bet-Aben’g! Seḭ Bḛjamije, tenje goo sí ooje!

Ojee 8:5

Seḭje gə́ Samari lé, Njesigənea̰ ə̰ji néndaji ŋgon maŋg lə sí Gə́ seḭ lḛ̀je lé bəḭ-bəḭ. Oŋg ləm ḭ səm pu dɔ dee’g. See ndɔ gə́ ra ɓa a kəwje rɔ sí Kɔs meenda rəw wa.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Amɔs 1:5

N’a təd pəgərə-larje tarəw ɓee-boo gə́ Damas ləm, N’a tuji njéɓeeje gə́ Bikat-Aben pugudu-pugudu ləma, Gə yeḛ gə́ wa kag-mbai jia’g mee ɓee gə́ Bet-Edḛ ləm tɔ. D’a kwa dəwje gə́ Siri gə́ ɓərje Kaw sə dee mee ɓee gə́ Kir, Njesigənea̰ ɓa pa bèe.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

Misee 1:13

Seḭ dəw-mee-ɓeeje gə́ Lakis lé Maji kar sí tɔje kundaje gə́ ŋgwɔd no̰ pusu-rɔje’g lə sí. Seḭ nja gə́ njḛdɔr Jerusalem dan kaiya’g dɔtar Mbata némajel lə Israɛlje lé D’iŋga rɔ sí-seḭ’g ya.

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Nahum 3:11

Seḭ gə́ Ninibə ya kara némeeko̰ a ra sí to gə́ kido bèe Kar sí iyaje ne rɔ sí ləm, Seḭ ya kara a saŋgje njo̰loo kula dɔ sí keneŋ Taaje ne rɔ sí ji njéba̰je’g lə sí ləm tɔ.

Lugu 23:30

Yen ŋga d’a kula mbalje pana: Juraje dɔ sí’g ləm, d’a kula dɔdərlooje pana: Dəbje dɔ sí’g ləm tɔ!

Tel tura Godndu 9:21

Ma m’un néndaji gə́ to ŋgon maŋg gə́ seḭ raje to gə́ né gin kaiya lə sí, m’roo saar m’kunda pɔs-pɔs m’tɔ saar m’aree tel asəna gə nduji bèe ndá m’ɔm ndujee neelé dan mán gə́ ḭ dɔ mbal’g ula gə́ naŋg.

Loo gə́ killa rea kəm Ja̰’g 6:16

Deḛ ra ndòo rɔ mbalje’g gə pil mbalje’g pana: Juraje, juraje dɔ sí’g, mba kar kəm yeḛ gə́ si kalimbai’g lé oo sí el ləm, mba kar oŋg gə́ ḭ gə Ŋgonbad lé wa dɔ sí el ləm tɔ.

Loo gə́ killa rea kəm Ja̰’g 9:6

Mee ndəaje’g neelé dəwje d’a saŋg yoo nɛ d’a kiŋga el, d’a ndəi rɔ dee kar yoo gə mba karee tɔl dee nɛ yoo lé a kaḭ dee kunda rəa ŋgərəŋ.