Ojee 10:10 - Maktub gə́ To gə Kəmee

¹⁰ M’a kar bo̰ néra dee ɔs ta dee’g to gə́ məəm ndigi Ndá koso-dəwje d’a kḭ mbo̰ dɔ na̰ rɔ sə dee Loo gə́ d’a tɔ dee gə kúla lar Mbata néra kori-korije lə dee gə́ gɔl joo lé.

Ojee 10:10 Iomraidhean Croise

1 Mbaije 12:28

Gée’g gogo loo gə́ mbai ə̰ji ta mée’g togə́bè mba̰ ndá yeḛ léḛ larlɔr ar deḛ ndaji ne ŋgan maŋgje joo. Tɔɓəi yeḛ ula koso-dəwje pana: Kaw gə́ seḭ awje Jerusalem lé as bèe ŋga. Seḭ Israɛlje, aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa to nee ya.

Maktub gə́ wɔji dɔ Jɔb 39:10

See i a kwá gə kúla karee un ɓai wa. See yee a njaa goi’g mba tɔ kɔr-naŋgje gə́ kəm-wolje’g wa.

Esai 1:24

Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Jeremi 21:4

Njesigənea̰, Ala lə Israɛlje pa togə́bè pana: Aa ooje, nérɔje gə́ to ji sí’d gə́ seḭ aw rɔje ne gə mbai gə́ Babilɔn gir ndògo-bɔrɔje’g ləm, gə Kaldeje gə́ d’aḭ dɔ sí sub gə rɔ ləm tɔ lé n’a tel ta dee gə́ dɔ sí-seḭ’g ndá n’a mbo̰ dee dan mee ɓee-boo’g neelé tɔ.

Ejekel 16:37

aa oo, n’a mbo̰ njéto seḭje lai gə́ i iŋga rɔlel rɔ dee’g lé deḛ lai gə́ i unda dee dan kəmi’g ləm, gə deḛ lai gə́ i ə̰ji dee bəḭ-bəḭ ləm tɔ lé dɔ na̰’d, n’a kar dee d’ḭ gə looje ɓəd-ɓəd mbo̰ na̰ dɔi’g ndá n’a najii kar dee d’oo mee mbaai raga ndəgəsə.

Ejekel 16:42

N’a kar oŋg lə neḛ aw as lée’g béréré dɔi’g ndá i a to néra kəmkəḭ lə neḛ el ŋga, n’a kar mee neḛ to lɔm ləm, n’a kar mee neḛ ḭ sə neḛ jugugu el ŋga ləm tɔ.

Ejekel 23:46

Mbaidɔmbaije gə́ Njesigənea̰ pa togə́bè pana: N’a mbo̰ koso-dəwje gə́ bula digi-digi dɔ dee’g ləm, n’a kɔm ɓəl-boo dɔ dee’g kar dee tɔr néje gə́ rɔ dee’g mbad-mbad ləm tɔ.

Ejekel 23:9

Gelee gə́ nee ɓa neḛ n’ubá n’yá̰ ne meḛ ji njéto səaje’g, meḛ ji Asirije’g deḛ gə́ yeḛ ar mal dee o̰ mée lèm-lèm lé ya.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ojee 10:9

Ǝi Israɛlje, un kudee mee ndəa gə́ Gibea’g saar ɓasinè lé Seḭ raje kaiya. Lée neelé deḛ d’aar dɔ gɔl dee’g njaŋg Ŋga see ra rɔ tuji ne njémeeyèrje gə́ Gibea lé See a to nékəmra el wa.

Ojee 4:19

Lel a ɓiri dee kaw sə dee. Bèe ɓa rɔkul a dəb dɔ dee’g mbata nékinjanéməsje lə dee ya.

Ojee 4:9

Né gə́ ra njékinjanéməsje lé A ra koso-dəwje togə́bè ya tɔ. M’a kar bo̰ néra dee ɔs ta dee’g Gə goo panjaa dee ləm, M’a kuga dee Gə goo kula ra dee ra dee ya ləm tɔ.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Ojee 8:10

Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Tel tura Godndu 28:63

To gə́ kédé lé rɔ Njesigənea̰ lelee gə mba ra sə sí némeemaji ləm, mba kar bula lə sí ḭ dɔ maree’d gə́ kédé-kédé ləm tɔ lé rɔ Njesigənea̰ Ala a tel lelee gə mba tuji sí kar sí uduje guduru tɔ, bèe ɓa yeḛ a kɔr sí ne mee ɓee gə́ seḭ a gə kawje kaw taaje gə́ né ka̰ sí lé.