Ojee 1:2 - Maktub gə́ To gə Kəmee

² Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Ojee 1:2 Iomraidhean Croise

2 Sôrta Gḭka Israɛlje 21:13

nɛ i un dɔ gɔl mbaije gə́ Israɛl mbata i ar Judaje gə Jerusalemje ra kaiya d’ɔs ne Ala rəw to gə́ gel-bɔje lə Akab kara ra gə Israɛlje ləm, i tɔl ŋgakɔḭje gə́ maji d’ur dɔi’d gə́ d’oji dee səi ləm tɔ

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Pakɔsje 73:27

Mbata aa oo, deḛ lai gə́ d’unda rɔ dee rɔi’g ŋgərəŋ gə́ raŋg lé D’udu guduru ya ləm, Deḛ lai gə́ d’ubai d’ya̰’i lé kara D’udu bo̰ ya ləm tɔ.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 3:9

Baŋga néra gə́ ram lə Israɛlje gə́ ɓar lé ar ɓee mina̰ ne, deḛ ra ram gə mbal gə kag to gə́ néra kaiya-dené bèe.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Ojee 3:1

Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Ojee 5:3

Eprayimje lé ma m’gər dee gao ləm, Israɛlje kara d’askəm kiya rɔ dee kəm’g el ləm tɔ. Mbata ɓasinè seḭ Eprayimje Seḭ ubaje Ala yá̰je ləm, Israɛlje lé d’ar rɔ dee mina̰ ne jɔmri-jɔmri ləm tɔ.

Mark 1:1

Ta neelé to gin tagə́maji lə Jeju Kristi, Ŋgon-Ala lé.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.

Loo gə́ killa rea kəm Ja̰’g 17:5

Ria gə́ to gə ndəree lé deḛ ndaŋg ŋgo nea̰’g pana: Babilɔn, ɓee-boo, ko̰ njémɔdkaiyaje gə néndɔlje gə́ dɔ naŋg nee.