Néra Njékaḭkulaje 9:11 - Maktub gə́ To gə Kəmee

¹¹ Mbaidɔmbaije tel ulá pana: Uba naŋg ḭta aw gə mban-rəw gə́ deḛ ɓaree Rəw gə́ danasur, saŋg dəw kára gə́ ḭ Tarsə gə́ ria lə Sool gə́ si kəi lə Judas.

Néra Njékaḭkulaje 9:11 Iomraidhean Croise

Néra Njékaḭkulaje 22:3

Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ.

Néra Njékaḭkulaje 21:39

Pool tel ilá keneŋ pana: Ma m’to Jib, dəw gə́ Tarsə dəb ɓeeko̰ gə́ Silisi. M’to gə́ njeɓee gə́ kojikəi ya ɓó ri ɓee ləm iya el. Ma m’ra ndòo rɔi’g gə mba kari ya̰ rəw am m’ula koso-dəwje neelé ta ya.

Néra Njékaḭkulaje 9:30

Loo gə́ ŋgako̰ na̰je d’oo ndá deḛ d’undá d’aw səa Sejare d’aree aw njal teḛ Tarsə.

Néra Njékaḭkulaje 11:25

Barnabas ɔd aw Tarsə gə mba saŋg Sool keneŋ.

Néra Njékaḭkulaje 11:13

Dəw neelé teggin né gə́ yeḛ oo mee kəi’g ləa ar sí, to gə́ dəw gə́ dara teḛ dəa’g təsərə ulá pana: Maji karee ula kula Jope ɓar Simo̰ gə́ deḛ d’unda ria lə Piɛrə ar dee ree səa.

Néra Njékaḭkulaje 8:26

Kura lə Mbaidɔmbaije gə́ dara teḛ dɔ Pilibə’g wai ulá pana: Uba naŋg ḭta ɔd aw par gə́ dɔkɔl, taa rəw gə́ ḭ Jerusalem aw Gaja gə́ to dɔdilaloo lé.

Néra Njékaḭkulaje 2:21

Yen ŋga nana ɓa gə́ a ɓar ri Mbaidɔmbaije ndá a kaji.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Tel tura Godndu 4:29

Lée gə́ neelé ya ɓa seḭ a saŋgje Ala lə sí gə́ Njesigənea̰ keneŋ ndá seḭ a kḭgáje, ɓó lé seḭ sa̰geeje gə ŋgaw meḛ sí gə rɔ sí bura tɔ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Néra Njékaḭkulaje 8:22

Wa ndòo rɔi dɔ némeeyèr’g ləi, ra ndòo rɔ Mbaidɔmbaije’g ɓa dɔmaji-nà mée a ti mbidi dɔ takə̰ji’g ləi ɓəi,

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.