Néra Njékaḭkulaje 3:1 - Maktub gə́ To gə Kəmee

¹ Piɛrə gə Ja̰ d’isi d’aw na̰’d mee kəi-Ala’g, to kàr ra tamaji gə́ kàr tel rəa gə mbɔree lé.

Néra Njékaḭkulaje 3:1 Iomraidhean Croise

1 Mbaije 18:36

Loo gə́ kàr kun nékar gə́ kàrkemetag lé as ndá njetegginta Eli rəm pər gə́ keneŋ pana: Ǝi Njesigənea̰, Ala lə Abrakam, gə Isaak, gə Israɛl! Maji kar dee gəri ɓogənè to gə́ i to Ala mbuna Israɛlje’g ləm, gə ma m’to kura ləi ləma, néje lai gə́ ma m’ra lé m’ra gə goo ta ləi ləm tɔ.

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Teḛ-Raga 29:39

D’a kinja ŋgon bàl badə gə́ kára gə́ məs teḛ gə ndɔ ləm, ŋgon bàl badə gə́ raŋg lé a kḭjá gə́ məs loo gə́ kàr andə ləm tɔ.

Loo gə́ killa rea kəm Daniel’g 6:10

Yen ŋga mbai Darius lé ndaŋg godndu nee ləm gə né kɔg loo ra né rədədə ləm tɔ.

Loo gə́ killa rea kəm Daniel’g 9:21

ma m’pata m’ra ne tamaji ɓəi ndá kura gə́ dara gə́ ria lə Gabriel gə́ m’ée kédé loo gə́ né ram gə́ mḭdi lé naar ree rɔm’g gə tɔgee mee kàree gə́ wɔji dɔ nékar gə́ wɔji dɔ kàrkemetag lé.

Bula lə Israɛlje 28:4

Gə ndɔ lé seḭ a kinjaje ŋgon badə kára ləm, loo gə́ kàr a gə kandə kara seḭ a kinjaje yee gə́ raŋg ləm tɔ,

Matiyo 17:1

Ndɔ misa̰ gogo, Jeju ɔr Piɛrə, gə Jak gə Ja̰ gə́ to ŋgokea̰ njɔl sa sə dee rəa aw sə dee dɔ mbal gə́ ŋgal léŋgé-léŋgé’g.

Matiyo 26:37

Yeḛ ɔr Piɛrə gə ŋgalə Jebede gə́ joo lé njɔl ar dee d’aw səa. Meeko̰ un kudu kḭ səa jugugu ləm, mée tɔsee mbigi-mbigi ləm tɔ.

Matiyo 27:45

Kàr aar daŋdɔ ya ndá loondul bigim dɔ naŋg nee gə loo lai saar kàr tel rəa gə mbɔree.

Lugu 1:10

Kàr kaw tuu né gə́ ə̰də sululu mee kəi lé ndá dəw-bulaje lai d’wa dɔ na̰ raga d’isi ra tamaji lé tɔ.

Lugu 18:10

Dəwje joo d’aw kəi-Ala’g gə mba ra tamaji ta Ala’g. Yeḛ gə́ kára to Parisiḛ ləm, yeḛ gə́ raŋg to njetaa lar-gədɓee ləm tɔ.

Lugu 22:8

Jeju ula Piɛrə gə Ja̰ pana: Maji kar sí awje aw waje dɔ gɔl néra naḭ Pag lə sí mba kar sí j’usɔje.

Lugu 24:53

Deḛ d’wa dɔ na̰ mee kəi-Ala’g ta-ta pidi ne Ala ləm, d’ɔs ne gajee ləm tɔ.

Tagə́maji gə́ Ja̰ ndang 21:7

Yen ŋga njekwakilá gə́ Jeju undá dan kəmee’g lé ula Piɛrə pana: To Mbaidɔmbaije ya. Loo gə́ Simo̰ Piɛrə oo to gə́ to gə́ Mbaidɔmbaije ya ndá yeḛ ula kubu rəa’g wa dəa gə ndar mbata yeḛ si kudee dum ba, tɔɓəi yeḛ ɔd al uru mán.

Néra Njékaḭkulaje 10:3

Ndɔ kára bèe loo gə́ kàr tel rəa gə mbɔree ndá né rəa gə́ mḭdi aree oo kura lə Ala gə́ dara pai-pai gə́ andə kəi ləa ɓaree pana: Kɔrnəi!

Néra Njékaḭkulaje 10:30

Kɔrnəi ilá keneŋ pana: As ndɔ sɔ ɓogənè ya kàr to gə́ maree bèe ya tɔ ɓa ma m’isi m’ra tamaji mee kəi’g ləm, kàr tel rəa gə mbɔree togə́bè ya, ndá aa oo, diŋgam kára bèe gə́ ula kubu gə́ ndoolé yḛd-yḛd rəa’g teḛ təsərə aar nɔm’g ulam pana:

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 3:3

Dəw neelé aa loo oo Piɛrə gə Ja̰ gə́ d’isi d’andə mee kəi’g neelé ndá yeḛ kwɔi dee né gə kəmndoo.

Néra Njékaḭkulaje 3:4

Piɛrə gə Ja̰ d’ée ndá d’ula pana: Oré kəmi dɔ sí’g ndəŋ.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 5:25

Yen ŋga dəw kára teḛ dɔ dee’g ula dee pana: Aa ooje, dəwje gə́ seḭ ɔm deeje daŋgai’g lé yḛ̀ d’isi kəi-Ala’g d’isi ndoo koso-dəwje ta keneŋ d’isi’n.

Néra Njékaḭkulaje 8:14

Njékwakiláje gə́ d’isi Jerusalem lé loo gə́ d’oo to gə́ njé gə́ Samari taa ta lə Ala lé ndá d’ɔr Piɛrə gə Ja̰ d’ula dee keneŋ.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.