Néra Njékaḭkulaje 26:2 - Maktub gə́ To gə Kəmee

² Mbai, Agripa, məəm lelm yaa̰ gə mbata kaar gə́ m’aar nɔḭ’g ɓogənè gə mba kɔr goo ta néje lai gə́ Jibje səgm ne lé,

Néra Njékaḭkulaje 26:2 Iomraidhean Croise

Pakɔsje 119:46

Ma lé m’a pata tornduije lé no̰ mbaije’g ya Ɓó m’a ra kəmkul el.

Matiyo 10:19

Loo gə́ d’a kaw sə sí loo-gaŋg-rəwta’g ndá arje meḛ sí pélé wəs-wəs dɔ ta gə́ seḭ a kɔrje’g el ləm, əsé ta gə́ seḭ a paje keneŋ el ləm tɔ. Ta gə́ seḭ a paje lé seḭ a kiŋgaje gə́ léegəneeya.

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Néra Njékaḭkulaje 25:26

Ma m’oo ta kára kara gə́ to kəm karm m’ndaŋg ne maktub m’wɔji ne dəa m’ar mbai lé el. Gelee gə́ nee ɓa ma m’ɓaree ne no̰ sí-seḭ’g ləm, gə nɔḭ-i mbai Agripa’g ləm tɔ ɓó gə mba kar loo gə́ d’a dəjee ta mba̰ ndá m’a koo ne né gə́ kəm ndaŋg mee maktub’g lé.

Néra Njékaḭkulaje 26:1

Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga. Yen ɓa Pool ula jia paar un kudu kula dee ta gə mba taa ne rəa pana:

Néra Njékaḭkulaje 26:19

Mbai Agripa, yee gə́ bèe ɓa né gə́ ḭ dara gə́ ram gə́ mḭdi lé m’ɔs rəw el.

Néra Njékaḭkulaje 26:26

Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el.

Néra Njékaḭkulaje 26:3

mbata néjiɓeeje lə dee lé i gər gəd-gəd ya ləm, tamaḭje lə dee kara i gər gao ləm tɔ. Ma m’ra ndòo rɔi’g gə mba kari ila kaari més oo ne ta ləm ya.

Néra Njékaḭkulaje 26:7

Ndukun neelé ginkoji síjeḛ gə́ aḭ dɔg-giree-joo lé kara ndiŋga ne rɔ dee ləm, d’wa ne Ala lé meḛ dee’g ta-ta dan kàrá gə loondul’g ləm tɔ. Wah mbai, ta lə kṵdameeyel neelé nja ɓa Jibje səgm ne gə mbəa.