Néra Njékaḭkulaje 2:1 - Maktub gə́ To gə Kəmee

¹ Loo gə́ kàr ndɔ Pa̰dekɔt teḛ mba̰ ndá deḛ lai d’wa dɔ na̰ loo kára ba.

Néra Njékaḭkulaje 2:1 Iomraidhean Croise

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

2 Sôrta Gḭka Israɛlje 5:13

Yen ŋga loo gə́ deḛ gə́ njékim to̰to̰je gə njékɔspaje lé d’ɔm na̰’d yəg d’unda ndu dee na̰’d gə mba pidi Njesigənea̰ ndá deḛ d’ar to̰to̰je ləm, gə ma̰dje gə́ sa səgə-səgə ləma, gə nékimje gə́ raŋg ləm tɔ ɓar ŋgaw d’ula ne rɔnduba dɔ Njesigənea̰’g gə taje nee pana: Mbata yeḛ lé maji dum ləm, meekɔrjol ləa to saar-saar gə no̰ ləm tɔ. Mee kàree gə́ neelé mum taa mee kəi gə́ to kəi lə Njesigənea̰ lé pəl-pəl tɔ .

Pakɔsje 133:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ǝi, aa oo, kar deḛ gə́ to ŋgako̰ na̰je d’isi na̰’d lé To gə́ nérɔlel gə́ garee godo!

Teḛ-Raga 23:16

Seḭ a raje naḭ gə́ wɔji dɔ dɔ kó gə́ seḭ injaje, mee ndəa gə́ seḭ iŋgaje ne né gə́ dɔtar loo kula’g lə sí gə goo néje gə́ seḭ dubuje mee ndɔ’g lə sí lé, tɔɓəi seḭ a raje naḭ kinja kó gə́ rudu ləb’g, loo gə́ seḭ mbo̰je kó néje lə sí lai gə́ mee ndɔje’g lə sí gə́ to kandə kulaje lə sí lai ya tɔ.

Teḛ-Raga 34:22

Seḭ a raje naḭ gə́ wɔji dɔ ndɔje gə́ siri-siri gɔl siri loo kinja dɔ kó gə́ dɔtar ləm, gə naḭ kinja kó gə́ to rudu ləb lé ləm tɔ.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Néra Njékaḭkulaje 1:5

mbata Ja̰ lé ra dəwje batɛm gə mán nɛ ndɔ nai bula bəl ndá d’a ra sí batɛm gə Ndilmeenda ya.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 20:16

Pool wɔji-kwɔji gə mba dəs Epesə tar lal kwa naŋg keneŋ mbata yeḛ ndigi kaw go̰-go̰ ɓeeko̰ gə́ Asi el. Yeḛ ɔs rəa ɓad gə mba kaw, ɓó lé banelə teḛ Jerusalem’g mba̰ ɓa ɓó gə kar ndɔ Pa̰dekɔt teḛ ɓəi.

Néra Njékaḭkulaje 4:24

Loo gə́ d’oo bèe ndá d’unda ndu dee na̰’d bura d’ar Ala pana: Mbaidɔmbaije, i nja unda dara gə naŋg nee gə baa-boo-kad gə néje lai gə́ to keneŋ ləm,

Néra Njékaḭkulaje 4:31

Loo gə́ deḛ ra tamaji neelé mba̰ ndá kəi yə ula déréré-dèrèrè. Ndilmeenda taa meḛ dee pəl-pəl, ar dee d’ɔr ta lə Ala gə kəm ŋgon diŋgam tɔ.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

Néra Njékaḭkulaje 5:12

Njékaḭkulaje ra némɔrije gə néje gə́ dumkoo ləm gə ji dee mbuna koso-dəwje’g neelé. Deḛ lai mbo̰ dɔ na̰ gel jala’g lə Salomo̰.

Njé gə́ Rɔmə 15:6

mba kar sí lai lé a kundaje ne ndu sí na̰’d kára ba mba kula ne rɔnduba dɔ Ala lé gə́ to Bɔ Mbaidɔmbaije lə sí Jeju Kristi lé.

1 Njé gə́ Kɔrḭtə 16:8

Lé riri kara m’a nai Epesə saar teḛ ndɔ Pa̰dekɔt ya,

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Njé gə́ Pilibə 2:2

ndá maji kar sí oreeje na̰ més rəw-kaw sí’g ləm, undaje na̰ dan kəm na̰’d ləm, ɔmje meḛ sí na̰’d téréré ləma, arje takə̰ji lə sí to gə goo kára ba ləm tɔ, gə mba kar rɔlel ləm ɔr ne dɔ jnja.