Néra Njékaḭkulaje 15:3 - Maktub gə́ To gə Kəmee

³ Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 15:3 Iomraidhean Croise

Lugu 15:32

nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 13:48

Loo gə́ njépole-magəje d’oo ta neelé ndá deḛ ra rɔlel d’ula ne rɔnduba dɔ ta’g lə Mbaidɔmbaije. Deḛ lai gə́ d’wa kəmə gə́ gə no̰ d’wɔji ne dɔ dee lé d’un meḛ dee tɔ.

Néra Njékaḭkulaje 13:52

Nɛ njékwakiláje gə́ Antiɔs lé deḛ ra rɔlel ləm, Ndilmeenda taa meḛ dee yal-yal ləm tɔ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:1

Dəwje gə́ na̰je d’ḭ Jude ree ndoo ŋgako̰ deeje d’ula dee pana: Ɓó lé seḭ injaje tamɔd sí gə goo godndu Moyis el ndá seḭ asjekəm kiŋga kaji el.

Néra Njékaḭkulaje 15:12

Dəwje lai gə́ mbo̰ dɔ na̰ lé d’isi ndiŋ d’ur mbi dee d’oo ne ta gə́ Barnabas gə Pool d’ula dee, d’wɔji ne dɔ némɔrije lai gə nédumkooje gə́ Ala ar dee ra mbuna njétareeje’g lé.

Néra Njékaḭkulaje 15:22

Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 15:32

Jude gə́ Silas gə́ to gə́ njéteggintaje lé deḛ ndəji ŋgako̰ na̰je gɔl bula ləm, d’ula ne diŋgam meḛ dee’g ləm tɔ.

Néra Njékaḭkulaje 15:4

Loo gə́ deḛ teḛ Jerusalem mba̰ ndá Eglisə ləm, gə njékaḭkulaje ləma, gə ŋgatɔgje ləm tɔ lé d’wa dee gə́ rɔ dee’g ɓa, d’ɔr sor néje lai gə́ Ala ra sə dee d’ar dee d’oo.

Néra Njékaḭkulaje 17:15

Deḛ gə́ dan Pool lé d’aw səa d’unda Aten. Yen ɓa deḛ tel d’aw Bere ɓəi nɛ Pool un ndia ar dee gə mba kar dee d’ula Silas gə Timote kar dee d’aw d’iŋgá.

Néra Njékaḭkulaje 20:38

Kəm dee to ndòo mbata ta gə́ yeḛ ula dee pana: D’a koo kəmee gogo el lé ya. Yen ɓa deḛ danee saar d’aw səa ta bato’g.

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Néra Njékaḭkulaje 28:15

Ŋgako̰ síjeḛ gə́ d’oo no̰ sí lé d’ḭ Rɔm ree tila kəm sí saar d’iŋga sí loo-suk gə́ ria lə Apius ləm, gə Kəi-to-mbàje gə́ Munda lé ləm tɔ. Loo gə́ Pool aa loo oo dee ndá yeḛ ra Ala oiyo wa rəa kɔgərɔ tɔ.

Néra Njékaḭkulaje 8:14

Njékwakiláje gə́ d’isi Jerusalem lé loo gə́ d’oo to gə́ njé gə́ Samari taa ta lə Ala lé ndá d’ɔr Piɛrə gə Ja̰ d’ula dee keneŋ.

Njé gə́ Rɔmə 15:24

Yee ɓa ma m’wɔji məəm’g gə mba koo sí loo gə́ m’a gə dəs tar kaw Espagnə lé mba kar loo gə́ m’iŋga rɔlel mbata teḛ gə́ m’teḛ ɓee lə sí mba̰ lé ndá seḭ a danmje gə mba karm m’aw keneŋ ya tɔ.

1 Njé gə́ Kɔrḭtə 16:11

Maji kar dəw kára kara ə̰jee bəḭ-bəḭ el, daneeje gə meekulɔm gə mba karee tel ree iŋgam mbata m’isi m’ŋginá ləm, ŋgako̰ síje gə́ raŋg kara d’isi ŋginá ya ləm tɔ.

1 Njé gə́ Kɔrḭtə 16:6

Banelə m’a sí sə sí waga əsé m’a ra sə sí ɓee gə naḭ kul mba kar loo gə́ m’a gə kḭ kaw lé seḭ a danmje kawje səm na̰’d ɓəi.

2 Njé gə́ Kɔrḭtə 1:16

M’wɔji gə mba teḛ gə rəw gə́ ɓee lə sí ɓa kaw Masedoinə, tɔɓəi m’a gə kḭ Masedoinə ɓa tel gə rəw gə́ rɔ sí’g mba kar sí danmje ṵdamje Jude ɓəi.

Titə 3:13

Maji kar məəi to dɔ Jénas, njeteggin godndu deḛ gə Apolɔs mba kari la sə dee loo gə́ d’a gə kḭ mba kaw raŋg mba kar né kára kara lal dee el.