Néra Njékaḭkulaje 13:2 - Maktub gə́ To gə Kəmee

² Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 13:2 Iomraidhean Croise

1 Sôrta Gḭka-Israɛlje 16:4

Yeḛ ɔm kula gə́ kəm ra no̰ sa̰duk-manrɔ’g lə Njesigənea̰ lé ji Ləbije’g gə mba kar dee ɓar ne ri Njesigənea̰, Ala lə Israɛlje ləm, gə pidee ne ləma, gə d’ila ne riɓar dəa’g ləm tɔ.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Matiyo 17:21

Ndil gə́ yèr gə́ togə́bè lé tamaji gə́ ra lé gə kɔg-mee-ɓoo ɓa a teḛ ne.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Matiyo 9:38

Bèe ndá raje tamaji mba kar njeko lé ula njékḭjaje loo-kó’g ləa ya.

Lugu 10:1

Gée gə́ gogo Jeju ɔr njékwakiláje gə́ raŋg rɔ-siri, wa dee joo-joo ula dee ar dee d’aw nea̰’g kédé mee ɓee-booje lai-lai ləm, gə mee looje lai-lai gə́ yeḛ nja a gə kaw keneŋ lé ləm tɔ.

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

Néra Njékaḭkulaje 10:19

Loo gə́ Piɛrə si ə̰ji ta némḭdi neelé bèe-bèe ndá Ndil ulá pana: Aa oo, dəwje munda d’aar dəjii.

Néra Njékaḭkulaje 10:30

Kɔrnəi ilá keneŋ pana: As ndɔ sɔ ɓogənè ya kàr to gə́ maree bèe ya tɔ ɓa ma m’isi m’ra tamaji mee kəi’g ləm, kàr tel rəa gə mbɔree togə́bè ya, ndá aa oo, diŋgam kára bèe gə́ ula kubu gə́ ndoolé yḛd-yḛd rəa’g teḛ təsərə aar nɔm’g ulam pana:

Néra Njékaḭkulaje 13:3

Yen ŋga loo gə́ deḛ ra tamaji ɓa d’ɔg ne meḛ dee ɓoo keneŋ ndá d’ila ji dee dɔ dee’g ɓa d’ya̰ dee d’ar dee d’aw ɓəi.

Néra Njékaḭkulaje 13:4

Barnabas gə Sool gə́ Ndilmeenda ula dee lé d’ar dee taa rəw gə́ aw gə́ Selusi, lée neelé deḛ d’uru mee bato’g keneŋ mba kaw dɔgoré-loo gə́ Siprə.

Néra Njékaḭkulaje 14:26

Lée neelé d’uru mee bato’g keneŋ gə mba tel kaw gə́ Antiɔs. To ɓee gə́ d’ɔr dee keneŋ d’ɔm dee ji noji lə Ala’g mba kar dee d’aw ra kula nee gə́ deḛ tɔl ne təa bém ɓasinè lé.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 22:21

Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.

Néra Njékaḭkulaje 4:36

Jisəb, yeḛ gə́ njékaḭkulaje d’unda ria lə Barnabas (tel ta koji sí pana: Ŋgon lə njekula diŋgam meḛ dee’g lé) yeḛ to dəw gə́ Lébi gə́ ɓee-kojee to gə́ Siprə lé

Néra Njékaḭkulaje 6:4

Jeḛ ɓa yḛ̀ ar sí j’oreeje kəm sí ndəŋ dɔ tamaji gə́ ra ləm, gə dɔ kɔrgoota gə́ lé ləm tɔ.

Néra Njékaḭkulaje 8:29

Ndilmeenda lé ula Pilibə pana: Aw kəmi gə́ kédé pər gə́ rɔ pusu’g neelé.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 10:15

Ɓó lé d’a kɔr dəw gə mba karee ula dee taree el ndá see dəw a kula dee wa. To gə goo ta gə́ deḛ ndaŋg mee maktub gə́ to gə kəmee lé pana: Deḛ gə́ njékaw kula mar deeje ta gə́ maji lé gɔl dee to njam-njam.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

1 Njé gə́ Kɔrḭtə 12:11

Néje lai neelé to kula ra Ndil gə́ kára ba kiao neelé ya. Nénojije lé yeḛ kai ar nana kara aree to gə́ mée-yeḛ ndigi.

1 Njé gə́ Kɔrḭtə 7:5

Ɔgje na̰ rɔ sí el. Ɓó lé seḭ gaŋgje rɔ sí ŋgəji ndá kara arje meḛ sí asəna keneŋ mba ra tamaji na̰’d waga ɓa a tel kiŋgaje na̰ ɓəi nà banelə malee gə́ ra sí lé Njekurai a kər sí ne.

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

2 Njé gə́ Kɔrḭtə 6:5

Deḛ kunda sí ləm, d’ɔm sí daŋgai keneŋ ləm, koso-dəwje d’ḭ sə sí ləm, j’ula rɔ sí ndubu loo-kulaje’g ləm, j’ɔg rɔ sí dɔ ɓi’g ləma, nésɔ lal sí ləm tɔ.

Njé gə́ Galati 1:15

Nɛ Ala gə́ njekɔrm ɔrm undam gə kəmee loo gə́ ma m’nai ne mee kɔmje’g ɓəi lé wa səm noji ɓarm ne

Njé gə́ Epesə 3:7

Yeḛ ɔm kula neelé jim’g gə goo noji gə́ Ala wa səm lé ɓa am m’tel m’to ne njekɔrgoo Tagə́maji lé gə goo siŋgamoŋ ləa gə́ ɔm dɔm’g lé ya.

Tel tura Godndu 10:8

Mee ndəa’g neelé Njesigənea̰ ɔr kəm ginkoji Ləbije ɓəd gə mba kar dee d’odo sa̰duk-manrɔ lə Njesigənea̰ ləm, kar dee d’aar ne no̰ Njesigənea̰’g mba ra ne né karee ləma, gə mba kar dee tɔr ne ndu dee dɔ koso-dəwje’g gə ria ləm tɔ, yee ɓa deḛ ra saar teḛ ne ɓogənè ya.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Timote 2:7

d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el.

2 Timote 1:11

Tagə́maji neelé ɓa d’undam ne gə́ njeriba sə dee dəa ləm, gə njekaḭkula ləma, gə njendoo njépole-magəje ginee ləm tɔ.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

2 Timote 4:11

Lugu nja gə karee ba ɓa nai səm. Bèe ndá ɔr Mark aree ree səi na̰’d mbata yeḛ ɓa orəm més loo-kula’g ləm.

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

Ǝbrəje 5:4

Dəw kára kara as kila riɓar gə́ togə́bè dəa’g gə dɔrea el. Nɛ Ala nja ɓaree ila riɓar dəa’g to gə́ ila ne dɔ Aaro̰’g kédé tɔ.

1 Samel 2:11

Elkana tel aw mee kəi’g ləa gə́ Rama ndá ŋgon lé ra kula lə Njesigənea̰ no̰ Eli’d gə́ to njekinjanéməs lé.