Néra Njékaḭkulaje 1:6 - Maktub gə́ To gə Kəmee

⁶ Yen ŋga njékaḭkulaje mbo̰ na̰ rəa’g dəjee pana: Mbaidɔmbaije, see ndəa neelé nja ɓa i a kar ɓeeko̰ lə Israɛl lé tel to lée’g gogo wa.

Néra Njékaḭkulaje 1:6 Iomraidhean Croise

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 17:11

Yeḛ tel ila dee keneŋ pana: Tɔgərɔ ya, Eli a ree kédé gə mba gɔl néje lai karee to lée’g nja.

Matiyo 20:21

Jeju tel dəjee pana: See ɗi ɓa i ndigi wa. Dené lé ndigi təa’g pana: Aa oo, ŋganmje gə́ joo neelé nja ɓa ma m’ndigi kari ar yeḛ gə́ kára si dɔ jikɔli’g ləm, kára si dɔ jigeli’g ləm tɔ mee ɓeeko̰’g ləi gə́ dara lé.

Matiyo 24:3

Loo gə́ yeḛ rəm si naŋg dɔ mbal gə́ ria lə Koiyoje lé ndá njékwakiláje ya gə kar dee ba rəm pər gə́ rəa’g dəjee pana: Maji kari ula sí, see ndɔ gə́ ra ɓa a to ndɔ teḛ ləa ɓəi wa. Esé see ɗi ɓa a tɔji sí ndɔ ree ləi gə ndɔ rudu naŋg nee lé ɓəi wa.

Mark 9:12

Yeḛ ila dee keneŋ pana: Eli a ree kédé ya ndá yeḛ a gɔl néje lai kunda dee gə lée-lée. Ŋga see gelee ban ɓa deḛ ndaŋg ta mee maktub’g d’wɔji ne dɔ Ŋgon-dəw pana: Lé riri kara néurti a rəa yaa̰ ləm, d’a kḛjee ne bəḭ-bəḭ ləm tɔ wa.

Lugu 17:20

Parisiḛje dəji Jeju pana: See ndɔ gə́ ra ɓa ɓeeko̰ lə Ala lé a ree ɓəi wa. Nɛ yeḛ tel ndigi ta dee’g pana: Ɓeeko̰ lə Ala lé a ree gə́ nérab rɔ kəm dəwje’g el.

Lugu 19:11

D’isi d’oo taje neelé ndá Jeju ila gosota gə́ raŋg keneŋ tɔɓəi mbata yeḛ si mbɔr Jerusalem’g dəb, nɛ deḛ la̰ji ta meḛ dee’g pana: Ɓeeko̰ lə Ala lé a teḛ wai ŋga.

Lugu 22:29

gelee gə́ nee ɓa ma m’wa ne ɓeeko̰ lé m’unda m’ar sí, to gə́ Bɔm wa unda am-ma lé bèe tɔ,

Tagə́maji gə́ Ja̰ ndang 21:21

Loo gə́ Piɛrə ée ndá yeḛ dəji Jeju pana: Mbaidɔmbaije, yeḛ neelé see ɗi ɓa a rəa wa.