Néra Njékaḭkulaje 1:16 - Maktub gə́ To gə Kəmee

¹⁶ Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

Néra Njékaḭkulaje 1:16 Iomraidhean Croise

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

2 Mbaije 15:12

Togə́bè ɓa né gə́ Njesigənea̰ pa taree njaŋg ar Jehu lé aw lée’g béréré mbata yeḛ pana: Ŋganeeje d’a si dɔ kalimbai’g lə Israɛlje saar ŋgakeaje-je gə́ njekɔm’g sɔ lé.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Matiyo 26:14

Yen ŋga, Judas Iskariot gə́ njekɔm dee gə́ dɔg-gir-dee-joo lé aw rɔ mbai dɔ njékinjanéməsje-je’g

Matiyo 26:47

Loo gə́ yeḛ si pa təa’g bèe-bèe ndá Judas gə́ njekɔm dee’g dɔg-gir-dee-joo lé teḛ wai gə boo-dəwje budu-budu gə kiambas gə ɗuguru-kagje ji dee’g kel-kel. Mbai dɔ njékinjanéməsje gə ŋgatɔgje lə dəwje ɓa gə́ njékula deeje lé.

Matiyo 26:54

See nérea gə́ togə́bè ɓa a kar ta gə́ to mee maktub gə́ to gə kəmee lé aw ne lée’g béréré to gə́ banwa.

Matiyo 26:56

Nɛ né neelé teḛ togə́bè mba tɔl ne ta gə́ njéteggintaje ndaŋg mee maktub’g lé bém. Yen ŋga njékwakiláje lai d’ubá d’yá̰ buŋga na̰ d’aḭ d’aw.

Mark 12:36

Dabid nja kara Ndilmeenda taa mée aree pana: Mbaidɔmbaije lé ula Mbai ləm pana: Sí dɔ jikɔlm’g saar Mba karm m’ar njéba̰je ləi tel to nétura-gɔl-kɔm ləi lé.

Mark 14:43

Léegəneeya, loo gə́ ta nai gə́ təa’g ɓəi ndá Judas gə́ njekɔm dee’g dɔg-gir-dee-joo lé tɔ gə boo-dəwje dəa’g pɔs-pɔs gə nékadje gə ɗuguru-kagje ji dee’g kel-kel, mbai dɔ njékinjanéməsje-je gə njéndaji-maktubje gə ŋgatɔgje lə dee ɓa d’ula dee.

Lugu 22:47

Loo gə́ yeḛ si ula dee ta bèe-bèe ɓəi ndá boo-dəwje teḛ tɔ pɔs-pɔs, ndá yeḛ gə́ ria lə Judas gə́ njekɔm dee gə́ dɔg-gir-dee-joo lé njaa no̰ dee’g. Yeḛ ree pər gə́ rɔ Jeju’g gə mba kil ɓɔlee.

Tagə́maji gə́ Ja̰ ndang 10:35

Ɓó lé godndu lé ɓar deḛ gə́ ta lə Ala lé oso mbi dee’g gar-Alaje ləm, ɓó lé godndu lé ta kára kara gə́ to keneŋ a kudu el ləm tɔ

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən

Tagə́maji gə́ Ja̰ ndang 17:12

Loo gə́ ma m’nai sə dee dɔ naŋg nee ɓəi lé ma m’ŋgəm dee gə rii nja. Deḛ gə́ i am dee lé ma m’ŋgəm dee m’ar dəw kára kara ndəm igi el nɛ ŋgon lə njetuji ɓa igi gə mba kar ta gə́ ndaŋg mee maktub gə́ to gə kəmee lé aw ne lée’g béréré ya.

Tagə́maji gə́ Ja̰ ndang 19:36

Néje neelé taree teḛ togə́bè mba kar ta gə́ to mee maktub gə́ to gə kəmee lé aw ne lée’g béréré ya, mbata yee pana: Siŋga rəa kára kara d’a təd pal el.

Néra Njékaḭkulaje 1:20

Nɛ ta gə́ deḛ ndaŋg mee maktub Pakɔs’g lé pa pana: Maji kar ɓee ləa to nduba piu-piu ləm, Maji kar dəw kára kara ra ɓee keneŋ el ləm tɔ. Tɔɓəi pa tɔɓəi pana: Maji kar dəw gə́ raŋg taa toree loo-kula’g ləa.

Néra Njékaḭkulaje 13:15

Loo gə́ deḛ tura ta godndu gə ta lə njéteggintaje mee maktub’g mba̰ ndá mbaije gə́ njékaa dɔ kəi-kwa-dɔ-na̰je neelé d’ula kula d’ar dee pana: Ŋgako̰ síje gə́ dəwje, ɓó lé seḭ ooje ta gə mba ndəji ne koso-dəwje neelé ndá paje ɓasinè.

Néra Njékaḭkulaje 13:38

Ŋgakɔmje gə́ dəwje, ooje maji, mbɔl dəa-yeḛ ɓa d’ula sí ne ta kɔr ɓaŋg kaiya dɔ sí’g.

Néra Njékaḭkulaje 15:13

Loo gə́ d’əw rɔ dee pata ndá Jak ḭ un ta pa pana:

Néra Njékaḭkulaje 15:7

Tamaḭ gə́ boo oso mbuna dee’g ar Piɛrə uba naŋg ḭta ula dee pana: Ŋgakɔmje gə́ dəwje, seḭ gərje gao to gə́ kédé gə́ dɔtar lé Ala ɔrm dan sí’g gə mba kar njépole-magəje d’oo tagə́maji tam’g ɓó gə kar dee d’un ne meḛ dee.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Néra Njékaḭkulaje 22:1

Ŋgakɔmje gə bɔmje gə́ dəwje, ooje ta ləm gə́ m’a gə pa ɓasinè gə mba taa ne dɔm lé.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 23:6

Pool gər gao to gə́ deḛ gə́ mbo̰ dɔ na̰ lé njé gə́ na̰je to gə́ Saduseḛje ləm, njé gə́ na̰je to gə́ Parisiḛje ləm tɔ ndá yeḛ ila boo-ndia naŋg no̰ njégaŋ-rəwtaje’g lə Jibje pana: Ŋgakɔmje gə́ dəwje, ma m’to gə́ Parisiḛ, ŋgolə Parisiḛje ya. Ta teḛ dɔkumbwa’g lə njé gə́ d’wəi’g gə́ m’unda məəm yel gə́ dɔ’g lé yee ɓa d’am m’aar ne loo-gaŋg-rəwta’g ɓasinè gə mbəa ya.

Néra Njékaḭkulaje 28:17

Ndɔ gə́ njekɔm’g munda lé Pool ɓar ŋgatɔgje lə Jibje lé rəa’g. Loo gə́ d’wa dɔ na̰ ndá yeḛ ula dee pana: Ŋgakɔmje gə́ dəwje, ma lé m’ila ndɔl dɔ dəwje’g el ləm, gə dɔ néjiɓee’g lə ka síjeḛ el ləm tɔ nɛ deḛ d’wam d’ilam daŋgai ɓee gə́ Jerusalem ləm, d’ulam ne ji njé gə́ Rɔm’g ləm tɔ.

Néra Njékaḭkulaje 28:25

Loo gə́ deḛ d’ḭ sa rɔ dee mbata d’ɔr kəm na̰ lé ndá Pool ila ta nee keneŋ kára pana: Ta gə́ Ndilmeenda ula ka síje gə ndu Esai njetegginta lé pa lée’g ya mbata yeḛ pana:

Néra Njékaḭkulaje 7:2

Etien tel ilá keneŋ pana: Ŋgakɔmje-je gə bɔmje-je, ooje ta ləm maji. Ala gə́ njero̰duba lé teḛ kəm bɔ síjeḛ Abrakam’g təsərə, loo gə́ yeḛ si Mesɔpotami kédé ɓa yeḛ aw si Sara̰ ɓəi, yeḛ ulá pana:

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.

2 Piɛrə 2:21

Kar dee d’isi gə́ mbəje dɔ rəw meekarabasur’g maji unda kar dee gər rəbee ɓa d’un kəm dee goo godndu gə́ to gə kəmee d’ubá ne d’yá̰ lé tɔ.