Nehemi 4:9 - Maktub gə́ To gə Kəmee

⁹ Loo gə́ njéba̰je lə sí d’oo to gə́ d’ula sí ta lə dee ndá Ala ar néje gə́ d’wɔji meḛ dee’g mba ra lé tuji pugudu tɔɓəi jeḛ lai n’tel n’reeje ta kula gɔl ndògo-bɔrɔ’g lé ar nana kara aar loo-kula’g ləa-ləa ya.

Nehemi 4:9 Iomraidhean Croise

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Nehemi 4:10

Un kudee mee ndəa’g neelé ges kuraje ləm ɓa ra kula ndá ges deeje gə́ raŋg lé d’aar gə niŋga-ndəije ləm, gə dərje ləm, gə ɓandaŋgje ji dee’g ji dee’g ləma, gə kubu-rɔje ləm tɔ. Deḛ gə́ to ŋgan-mbaije lé d’ɔm na̰’d sad gə gel-bɔje lə Judaje lai ya.

Nehemi 4:11

Deḛ gə́ d’unda ndògo-bɔrɔ lé ləm, gə deḛ gə́ d’odo néje gə́ wɔi-wɔi ləm tɔ lé ra kula gə ji dee gə́ kára ləm, ji dee gə́ kára lé d’wa ne nérɔ ləm tɔ.

Maktub gə́ wɔji dɔ Jɔb 5:12

Néje gə́ njégosoje d’wɔji kwɔji ra lé yeḛ tuji pugudugu Ar ji dee askəm ra née karee ɔr njal el.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Gosota-Kəmkàrje 22:12

Njesigənea̰ tɔs kəmee bao-bao dɔ négər’g, Nɛ yeḛ tuji taje lə njendɔji pɔdɔdɔ.

Matiyo 26:41

Sije kəmba raje tamaji ta Ala’g lé gə mba kar sí osoje dan nékər’g el. Meḛ sí to kəmba nɛ darɔ sí wəi wɔ-wɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.