Nehemi 4:2 - Maktub gə́ To gə Kəmee

² Ndá deḛ lai d’ɔm na̰’d gə mba ree rɔ gə Jerusalem mba tuji ne meḛ dəwje gə́ ra kula neelé.

Nehemi 4:2 Iomraidhean Croise

Esdras 4:4

Yen ŋga dəw-mee-ɓeeje ra né d’ar ji dəwje gə́ Juda wəi njururu ləm, d’ar dee ɓəl dɔ ra kəi gə́ neelé ləm tɔ.

Nehemi 12:27

Ndɔ kunda ndògo-bɔrɔ gə́ Jerusalem gə kəmee lé deḛ ɓar Ləbije gə looje lai gə́ d’isi keneŋ mba kar dee ree Jerusalem mba ra naḭ gə́ wɔji dɔ kunda ndògo-bɔrɔ gə kəmee gə paje gə pa pidije ləm, gə kaa ma̰də gə́ saga səgə-səgə ləm, gə kṵdu-ko̰déje ləma, gə kṵdu-kagje ləm tɔ.

Nehemi 12:43

Mee ndəa’g neelé deḛ d’inja nékinjanéməsje bula yaa̰ ndá deḛ d’al rɔ dee mbata Ala ar koso-dəwje nérɔlel gə́ boo. Denéje gə ŋganje kara ra rɔlel tɔ ndá ndu rɔlel lə njé gə́ Jerusalem lé dəwje d’oo loo gə́ əw’g ya tɔ.

Nehemi 4:10

Un kudee mee ndəa’g neelé ges kuraje ləm ɓa ra kula ndá ges deeje gə́ raŋg lé d’aar gə niŋga-ndəije ləm, gə dərje ləm, gə ɓandaŋgje ji dee’g ji dee’g ləma, gə kubu-rɔje ləm tɔ. Deḛ gə́ to ŋgan-mbaije lé d’ɔm na̰’d sad gə gel-bɔje lə Judaje lai ya.

Nehemi 6:15

Deḛ ra kula gɔl ndògo-bɔrɔ as ndɔ rɔ-mi-giree-joo ɓa tɔlee bém mee ndɔ gə́ njekɔm’g rɔ-joo-giree-mi lə naḭ Elul tɔ.

Pakɔsje 83:4

Deḛ d’wɔji-kwɔji mba ra gosɔyèr gə koso-dəwje ləi ya ləm, D’ula ta meḛ na̰’d Gə mba tuji deḛ gə́ i aḭ bada dɔ dee’g lé ya ləm tɔ.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 33:24

Ta gə́ dəwje nee pa pana: Gel-bɔje gə́ joo gə́ Njesigənea̰ mbər dee ɓa yeḛ tel uba dee ya̰ dee ɓəi lé see i oo el wa. Togə́bè ɓa deḛ d’ə̰ji koso-dəwje ləm bəḭ-bəḭ ɓó d’oo dee ne gə́ ginkoji dəwje el.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

1 Njé gə́ Kɔrḭtə 1:27

Ala mbər néje gə́ gə mḭdé ba gə́ dɔ naŋg nee mba yə ne njékəmkàrje ləm, Ala mbər néje gə́ d’unda ndolè dɔ naŋg nee mba yə ne njésiŋgamoŋje ləm tɔ.