Nehemi 2:3 - Maktub gə́ To gə Kəmee

³ Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Nehemi 2:3 Iomraidhean Croise

1 Mbaije 1:31

Yen ŋga Bat-Seba dəb kəmee naŋg unda barmba no̰ mbai’g. Ndá yeḛ pana: Maji kar dɔ Dabid, mbai ləm ai səgərə saar-saar gə no̰ ya.

2 Mbaije 25:8

Ndɔ gə́ njekɔm’g siri lə naḭ gə́ njekɔm’g mi gə́ to ləb ko̰ɓee lə Nebukadnesar, mbai gə́ Babilɔn gə́ njekɔm’g dɔg-giree-jinaikara lé Nebujaradan, ɓé-njéŋgəmlooje gə́ to kura lə mbai gə́ Babilɔn lé ree Jerusalem.

2 Sôrta Gḭka Israɛlje 21:20

Yeḛ ra ləbee rɔ-munda-giree-joo ɓa yeḛ tel to mbai ndá yeḛ si Jerusalem o̰ ne ɓee gə́ Jerusalem ləb jinaijoo. Yeḛ aw lal kar dəw kára kara ndiŋga rəa gə mbata ləa ndá deḛ dubee mee ɓee-boo’g lə Dabid ɓó dubee mee dɔɓar mbaije’g el.

2 Sôrta Gḭka Israɛlje 28:27

Ahas wəi ndá deḛ dubee mee ɓee-boo gə́ Jerusalem mbata deḛ dubee mee dɔɓar’d gə́ wɔji dɔ mbaije gə́ Israɛl el. Ndá Ejekias, ŋgonee ɓa o̰ ɓee toree’g ya.

2 Sôrta Gḭka Israɛlje 32:33

Ejekias wəi ndá deḛ dubee loo-dubu ŋgalə Dabid’d gə́ ḭ tar unda dɔɓar mareeje lai, Judaje lai gə dəwje gə́ Jerusalem d’ula rɔnduba dɔ yée’g. Ndá ŋgonee Manasə ɓa o̰ ɓee toree’g tɔ.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 2:13

M’teḛ loondul’g gə tarəwɓee gə́ ria lə Wəl-loo ləm, ma m’aw m’wɔji dɔ kəm-rəw-mán gə́ ria lə Da-kɔb ləma, gə tarəwɓee gə́ ria lə Ɓiri-ɓisi ləm tɔ ndá m’tən ndògo-bɔrɔ gə́ Jerusalem gə́ təd lé soo-soo ləm, m’la̰ji ta lə tarəbeeje gə́ pər o̰ lé məəm’g ləm tɔ.

Este 8:6

Mbata m’a si koo nékəmndoo gə́ a teḛ dɔ dəwje’g ləm bèe to gə́ ban wa. Esé m’a koo ginkoji ləm gə́ a gə tuji lé bèe ya to gə́ ban wa.

Pakɔsje 102:14

I a kuba naŋg kḭ tar Koo ne kəmtondoo lə njé gə́ Sio̰ ya, Mbata ndɔ koo kəmtondoo lə deḛ gə́ i wɔji njaŋg lé Kàree teḛ mba̰,

Pakɔsje 102:15

Mbata kuraje ləi lé d’unda kɔr mbalje gə́ Sio̰ lé dan kəm dee’g ləm, Nduji naŋg ləa kara d’oo gə́ ŋgonkəm dee ya ləm tɔ.

Pakɔsje 137:6

Ɓó lé m’ar məəm olé teḛ dɔi’g el ləm, Esé m’ar Jerusalem to gin rɔlel ləm gə́ gəd el ləm tɔ ndá Maji kar ndo̰m tia̰ ŋgadŋgəm’g mbiao̰ ləm tɔ.

Pakɔsje 38:7

M’rugu m’wa koŋgoŋ ar ta yoom nai ne tebdé bèe, Ta-ta ma m’njaa ne dan kəmndoo’g.

Jeremi 52:12

Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Loo gə́ killa rea kəm Daniel’g 2:4

Kaldeje d’ila mbai keneŋ gə takɔji Aramje pana: Ǝi mbai, maji kari sí gə ləbi-ləbi gə nɔḭ! Maji kari ula kuraje ləi ta ni ləi ɓa j’a kɔr ginee kari ɓəi.

Loo gə́ killa rea kəm Daniel’g 3:9

Deḛ d’un ta d’ula mbai Nebukadnesar lé pana: Ǝi mbai, maji kari si gə ləbi-ləbi gə́ nɔḭ ya!

Loo gə́ killa rea kəm Daniel’g 5:10

Dené lə mbai lé loo gə́ yeḛ oo taje gə́ mbai gə dəwje ləa gə́ boo-boo pa lé ndá yeḛ andə mee kəi-muru-gad’g un ta pa pana: Ǝi mbai, maji kari si gə ləbi-ləbi gə nɔḭ ya! Maji kar takə̰jije ləi d’ar məəi tila ŋgaḭla-ŋgaḭla el ləm, ar kəmi tel to ne ɓəd el ləm tɔ!

Loo gə́ killa rea kəm Daniel’g 6:21

Loo gə́ mbai lé ree pər gə́ ta bwa’g lé ndá yeḛ ɓar Daniel gə ndu gwɔb no̰ dəjee pana: Daniel, kura lə Ala gə́ Njesikəmba lé see Ala ləi gə́ i ra né aree gə meekai sam-sam lé taai ta toboḭje’g wa.

Loo gə́ killa rea kəm Daniel’g 6:6

Dəwje neelé pana: J’a kiŋga ta kára kara mba kila dɔ Daniel’g neelé el nɛ banelə ta gə́ wɔji dɔ godndu magə ləa ɓa.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.