Nehemi 11:3 - Maktub gə́ To gə Kəmee

³ Aa oo, mbaije gə́ wɔji dɔ dəb ɓeeko̰je gə́ ree d’isi Jerusalem lé ɓa nee: Mee ɓee-booje’g lə Juda lé, Israɛlje ləm, gə njékinjanéməsje ləm, gə Ləbije ləm, gə njéra kula kəi-Ala’d gə́ raje ləma, gə ŋgaka kuraje lə Salomo̰ ləm tɔ lé, nana kara si loo gə́ to kea̰-kea̰ mee ɓee-boo’g ləa.

Nehemi 11:3 Iomraidhean Croise

Esdras 2:1

Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé ɓa nee, to dee gə́ Nebukadnesar, mbai gə́ Babilɔn wa dee gə́ ɓər aw sə dee Babilɔn lé. Deḛ tel ree Jerusalem dɔ naŋg gə́ Juda, ndá nana kara aw mee ɓee-boo’g ləa-ləa ya.

Esdras 2:43

Njérakula mee kəi-Ala’g gə́ raje ɓa nee: Deḛ gə́ to ŋgaka Siha ləm, gə ŋgaka Hasupa ləm, gə gel-bɔje lə Tabaot ləm,

Esdras 2:70

Njékinjanéməsje gə Ləbije ləm, gə dəw-mee-ɓeeje gə́ na̰je ləm, gə bao-paje ləm, gə njéŋgəm tarəwje ləma, gə njéra kula mee kəi-Ala’d gə́ raje ləm tɔ lé d’isi mee ɓee-booje’g lə dee lə dee. Israɛlje lai kara d’isi mee ɓee-booje’g lə dee lə dee tɔ.

Nehemi 11:20

Ges Israɛlje gə njékinjanéməsje gə Ləbije lé deḛ lai d’isi mee ɓee-booje gə́ Juda ar nana kara si loo gə́ to kea̰-kea̰’g.

Nehemi 11:4

Mee ɓee gə́ Jerusalem lé ginkoji Judaje gə ginkoji Bḛjamije d’isi keneŋ. Deḛ gə́ to Judaje lé ɓa nee: Ataja gə́ to ŋgolə Ojee gə́ to ŋgolə Jakari gə́ to ŋgolə Amaria gə́ to ŋgolə Sepatia gə́ to ŋgolə Mahalaleel gə́ to ŋgolə Peres ləm,

Nehemi 7:39

Njékinjanéməsje lé to gel-bɔje lə Jedaeja gə́ to ŋgaka Juje ndá d’as tɔl jinaikara gə dɔ dee rɔ siri giree-munda (973),

Nehemi 7:43

Ləbije lé to gel-bɔje lə Juje gə Kadmiel gə́ to ŋgaka Hodba ndá d’as rɔ siri gir-dee-sɔ (74).

Nehemi 7:46

Njéra kula kəi-Ala’d gə́ raje lé to ŋgaka Siha gə Hasupa gə Tabaot,

Nehemi 7:6

Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé deḛ gə́ Nebukadnesar, mbai gə́ Babilɔn wa dee ɓər aw sə dee nɛ deḛ tel ree Jerusalem gə Juda lé nana kara aw mee ɓee’g ləa-ləa ya.

Nehemi 7:7

Deḛ d’aw gə Jorobabel gə Juje gə Nehemi gə Ajaria gə Raamia gə Nahamani gə Mardose gə Bilsan, gə Misperet gə Bigbai gə Nehum gə Baana. Bula lə koso-dəwje gə́ Israɛl lé ɓa nee: