Nehemi 1:3 - Maktub gə́ To gə Kəmee

³ Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 1:3 Iomraidhean Croise

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

2 Mbaije 25:10

Njérɔje lai gə́ Kalde gə́ d’aw gə ɓé-njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

Esdras 2:1

Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé ɓa nee, to dee gə́ Nebukadnesar, mbai gə́ Babilɔn wa dee gə́ ɓər aw sə dee Babilɔn lé. Deḛ tel ree Jerusalem dɔ naŋg gə́ Juda, ndá nana kara aw mee ɓee-boo’g ləa-ləa ya.

Esdras 5:8

Maji kar mbai gər gao to gə́ jeḛ j’aw dəb ɓeeko̰ gə́ Juda mee kəi gə́ wɔji dɔ Ala gə́ boo ndá j’oo to gə́ d’unda gə kɔr mbalje gə́ tɔl ləm, d’ɔm kunda kagje dɔ’g tar ləm tɔ, ar kula aw kalaŋ ya ləm, teḛkɔr ji dee’g ləm tɔ.

Nehemi 11:3

Aa oo, mbaije gə́ wɔji dɔ dəb ɓeeko̰je gə́ ree d’isi Jerusalem lé ɓa nee: Mee ɓee-booje’g lə Juda lé, Israɛlje ləm, gə njékinjanéməsje ləm, gə Ləbije ləm, gə njéra kula kəi-Ala’d gə́ raje ləma, gə ŋgaka kuraje lə Salomo̰ ləm tɔ lé, nana kara si loo gə́ to kea̰-kea̰ mee ɓee-boo’g ləa.

Nehemi 2:13

M’teḛ loondul’g gə tarəwɓee gə́ ria lə Wəl-loo ləm, ma m’aw m’wɔji dɔ kəm-rəw-mán gə́ ria lə Da-kɔb ləma, gə tarəwɓee gə́ ria lə Ɓiri-ɓisi ləm tɔ ndá m’tən ndògo-bɔrɔ gə́ Jerusalem gə́ təd lé soo-soo ləm, m’la̰ji ta lə tarəbeeje gə́ pər o̰ lé məəm’g ləm tɔ.

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 2:3

Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Nehemi 7:6

Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé deḛ gə́ Nebukadnesar, mbai gə́ Babilɔn wa dee ɓər aw sə dee nɛ deḛ tel ree Jerusalem gə Juda lé nana kara aw mee ɓee’g ləa-ləa ya.

Este 1:1

To sorta néje gə́ dəs mee ləbje’g lə Asuerus. Asuerus neelé ɓa o̰ ɓee dɔ dəb ɓeeko̰je’g tɔl-dəa-rɔ-joo-giree-siri (127) gə́ un kudee Inde ya saar teḛ ne Etiopi.

Pakɔsje 79:4

Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Gosota-Kəmkàrje 25:28

Dəw gə́ to dəw dɔ rəa el lé To asəna gə ɓee-boo gə́ deḛ tuji ndògo-bɔrɔ ləa d’aree godo.

Esai 43:28

Gelee gə́ nee ɓa deḛ gə́ to mbaije dɔ loo gə́ to gə kəmee’g lé Ma m’ra sə dee asəna gə dəwje gə́ mḭdé ba bèe ləm, M’ila njé’g lə Jakob loo-tuji’g ləma, M’ila rɔkul-boo dɔ Israɛlje’g ləm tɔ.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 29:18

M’a korə dee gə kiambas ləm, gə ɓoo-boo ləma, gə yoo-koso ləm tɔ. M’a kar dee to néɓəl gə mbata lə ɓeeko̰je lai gə́ dɔ naŋg nee ləm, gə nékila ndɔl dɔ’g ləm, gə nékəmndoo ləm, gə nékula sul dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg gə́ m’a gə tuba dee kɔm dee keneŋ ləm,

Jeremi 39:8

Kaldeje roo kəi lə mbai gə kəije lə koso-dəwje ləm, deḛ təd ndògo-bɔrɔ gə́ Jerusalem kərm-kərm ləm tɔ.

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 5:10

Ubaje dɔ ndògo-bɔrɔje ləa gə́ tar Ndá tujije loo, Nɛ tuji deeje lai el! Tɔrje barkəm nduúje ləa Gə́ to ka̰ Njesigənea̰ el lé!

Jeremi 52:14

Njérɔje gə́ Kalde lai gə́ d’aw gə mbai dɔ njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Nɔ̰-ndôo gə́ wɔji dɔ Jerusalem 3:61

Njesigənea̰, ndɔl gə́ d’ila dɔm’g lé I oo gao lem, Njuma̰je lai gə́ d’ula meḛ na̰’d dɔm’g lé kara I oo ya ləm tɔ.

Nɔ̰-ndôo gə́ wɔji dɔ Jerusalem 5:1

Njesigənea̰, ar məəi olé dɔ né gə́ teḛ dɔ sí’g lé! Aa loo oo rɔkul gə́ d’ila dɔ sí’g lé!

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.