Mark 9:9 - Maktub gə́ To gə Kəmee

⁹ Loo gə́ d’ḭ dɔ mbal’g d’isi risi gə́ naŋg ndá Jeju ndəji dee bər-bər mba kar né gə́ deḛ d’oo lé d’a kula dəw gə́ raŋg taree kára kara el saar as kar Ŋgon-dəw a kunda ne loo teḛ ne dan njé gə́ d’wəi’g.

Mark 9:9 Iomraidhean Croise

Matiyo 12:19

Yeḛ a maḭ el ləm, ndia a ɓar wəl-wəl el ləma, Dəw kára kara a koo ndia mba̰-rəwje’g el ləm tɔ.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 27:63

Deḛ d’ulá pana: Mbai, ta lə njesu kəm dəwje neelé to meḛ sí’g gu ɓəi mbata loo gə́ yeḛ si gə kəmee ɓəi lé yeḛ pana: ndɔ gə́ njekɔm’g munda lə neḛ ndá neḛ n’a kunda loo teḛ.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Mark 5:43

Jeju ndəji dee bər-bər gə mba kar dee pa taree d’ar dəw kára kara oo el, tɔɓəi yeḛ ula dee gə mba kar dee d’ar ŋgon gə́ dené lé nésɔ usɔ.

Mark 7:36

Jeju ndəji dee bər-bər mba kar dee pa taree d’ar dəw oo el, yeḛ ɔg dee dɔ’g tasəra, nɛ deḛ d’ila mberee gə́ kédé-kédé.

Mark 9:10

D’wa ta neelé meḛ dee’g bururu, dəji na̰ pana: See kunda loo teḛ dan njé gə́ d’wəi’g lé see to gə́ ta ɗi ɓa bèe wa.

Mark 9:8

Léegəneeya njékwakiláje lé d’aa loo kori-kori, nɛ Jeju nja gə karee ba aar ɓa d’ée ɓó d’oo dəw gə́ raŋg səa el.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Lugu 9:36

Loo gə́ ndu neelé ɓar oso mbi dee’g ar dee d’oo mba̰ ndá Jeju nja gə karee ba kiao ɓa aar. Njékwakiláje d’ila ta dee maree’g ndag d’ar ta né gə́ deḛ d’oo lé teḛ ta dee’g ja̰ ar dəw oo el tɔ.