Mark 9:25 - Maktub gə́ To gə Kəmee

²⁵ Loo gə́ Jeju oo boo-dəwje gə́ d’ula ménénḛ́ gə́ dəa’g neelé ndá yeḛ ndaŋg ndil gə́ yèr neelé paḭ, ulá pana: I ndil gə́ yèr gə́ njegwɔskudu ləm, gə njembikudu ləm tɔ lé ma nja m’pa gə ndum m’ulai, teḛ mee ŋgon’g gə́ raga ndá i a tel kandə mée’g gogo el saar ya.

Mark 9:25 Iomraidhean Croise

Jakari 3:2

Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa.

Matiyo 12:22

Deḛ d’aw gə dəw gə́ ndil gə́ majel rəa ar kəmee tɔ ləm, ar gwɔsee udu ləm tɔ lé rɔ Jeju’g. Ndá Jeju ajee aree pata ləm, aree oo loo ləm tɔ.

Matiyo 17:18

Jeju wa ta ndil gə́ yèr neelé aree teḛ mee ŋgon’g lé. Mee kàree’g neelé nja rɔ ŋgon lé to kari péd-péd tɔ.

Mark 9:15

Boo-dəwje neelé d’un kəm dee ɓèd d’ila dɔ Jeju’g ndá kaar dee wa dee paḭ-paḭ, ar dee buŋga na̰ gə́ rəa’g gə mba rəa lapia.

Mark 9:24

Léegəneeya bɔ ŋgonje lé ula təa no̰’g wəl pana: M’ɔm meḛ dɔi’g ya! Ree la səm gə mba mee-mbɔrè ləm ya kari.

Mark 9:26

Yen ŋga ndil gə́ yèr neelé wa ŋgon lé mbiree mba̰-mba̰, ra né wəl ɓa unda loo teḛ mée’g ɓəi. Ŋgon lé to sel asəna gə dəw gə́ wəi bèe, ar njé gə́ na̰je pana: Yeḛ wəi mba̰.

Lugu 11:14

Jeju tuba ndil gə́ yèr mee dəw gə́ gwɔsee udu lé. Loo gə́ ndil gə́ yèr lé unda loo teḛ yá̰ aree pata njai-njai ndá boo-dəwje gə́ d’aar keneŋ neelé kaar dee wa dee paḭ-paḭ.

Lugu 4:35

Jeju ɔs təa’g rəw pana: Wa tai gə́ raŋg ndá unda loo ɓad ya teḛ mee dəw’g neelé gə́ gogo. Ndil gə́ yèr lé biri dəw neelé widi ilá naŋg dan koso-dəwje gə́ d’wa dɔ na̰ lé ɓa unda loo teḛ mée’g ɓəi ɓó ra səa né gə́ majel kára kara el.

Lugu 4:41

Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.

Lugu 8:29

Mbata Jeju un ndia mba kar ndil gə́ yèr gə́ to mee dəw’g neelé ləw ba lé teḛ mée’g gə́ raga. Deḛ d’wa dəw lé d’ilá kag ləm, teá gə kúla lar ləm tɔ nɛ yeḛ twa kúla lar neelé gaŋg mbidi-mbidi ndá ndil gə́ yèr lé ɔsee aree aw gə dɔdilaloo’g tɔ.

Lugu 9:42

Loo gə́ ŋgon lé unda dɔ Jeju dəb ndá ndil gə́ yèr lé wá ilá naŋg birig, mbiree mba̰-mba̰. Nɛ Jeju ndaŋg ndil gə́ yèr neelé paḭ ndá aji ne ŋgon lé ɓa wá ulá ji bɔbeeje’g ɓəi.

Néra Njékaḭkulaje 16:18

Yeḛ ra togə́bè as ndɔ bula ndá mee Pool ea̰ yaa̰ aree pa gə ndil lé pana: M’un ndum m’ari gə ri Jeju Kristi mba kari unda loo mée’g teḛ. Léegəneeya yeḛ unda loo mée’g teḛ tɔ.

Jude 1:9

Nɛ Misel, mbai dɔ kuraje lə Ala gə́ dara lé loo gə́ yeḛ oma̰ gə njekurai maḭ ne səa ta dɔ darɔ Moyis’g lé yeḛ oo loo kila ta tajikil dəa’g el, nɛ ɓai ta gə́ pa ɓa nee: Maji kar Mbaidɔmbaije ila ta dɔi’g ya.