Mark 9:18 - Maktub gə́ To gə Kəmee

¹⁸ Loo gə́ rara gə́ ndil gə́ yèr lé wá ilá keneŋ kara aree sɔ ŋgaŋgee pəgərə-pəgərə ləm, ar əm uba təa’g ndugu-ndugu ləma, ar darəa tudu mə̰dərə-mə̰dərə ləm tɔ. Bèe ɓa m’ra ndòo rɔ njékwakilaije’g gə mba kar dee tuba ndil gə́ yèr neelé ndá lée dum dee təs.

Mark 9:18 Iomraidhean Croise

Maktub gə́ wɔji dɔ Jɔb 16:9

Yeḛ tim mbidi-mbidi ləm, yeḛ kɔrm gə meekḭ jugugu ləa ləm, Yeḛ sɔ ŋgaŋgee dɔm’g pəgərə-pəgərə ləma, Yeḛ rɔ səm ar kəmee ɔsm jɔgɔgɔ ləm tɔ.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Matiyo 15:22

Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.

Matiyo 17:16

M’ndɔree m’ree səa m’ar njékwakilaije nɛ loo kajee dum dee təs.

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Mark 11:23

Ma m’ula sí təsərə, ɓó lé nana ɓa ula mbal neelé pana: Ɔr rɔi loo gə́ nee’g al uru dan baa-boo’g, ɓa yeḛ ɔm mée dɔ’g jəb-jəb pana: A to bèe ya to ɓó maḭ gə rəa dɔ’g el ndá yeḛ a koo née gə́ a to torndia’g lé gə kankəmee ya tɔ.

Mark 9:17

Dəw kára mbuna boo-dəwje’g neelé ndigi təa’g pana: Mbai, ma m’ree gə ŋgonəm rɔi’g mbata ndil gə́ njegwɔskudu gə njembikudu rəa yaa̰.

Mark 9:19

Yen ŋga Jeju tel ila dee keneŋ pana: Seḭ ginkoji dəwje gə́ njéndɔjitaje, see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm kila məəm dɔ sí’g ɓəi wa. Waje ŋgon lé gə́ rɔm’g nee.

Mark 9:20

D’wa ŋgon lé gə́ rəa’g tɔ. Léegəneeya gə́ ŋgon lé un kəmee oo Jeju ndá ndil gə́ yèr lé wá ilá naŋg birig aree nduburu naŋg gururu-gururu ləm, ar əm uba təa’g ndugu-ndugu ləm tɔ.

Mark 9:26

Yen ŋga ndil gə́ yèr neelé wa ŋgon lé mbiree mba̰-mba̰, ra né wəl ɓa unda loo teḛ mée’g ɓəi. Ŋgon lé to sel asəna gə dəw gə́ wəi bèe, ar njé gə́ na̰je pana: Yeḛ wəi mba̰.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.