Mark 8:17 - Maktub gə́ To gə Kəmee

¹⁷ Jeju oo ndá yeḛ ila dee keneŋ pana: See ban ɓa ulaje na̰ ta gə ŋgan gwɔs sí njigi-njigi pajena: M’pata m’wɔji ne dɔ muru gə́ godo ji sí’g wa. See kəm sí inja el nja dɔrɔ ɓəi wa. See seḭ gərje ginee njai el nja ɓəi wa.

Mark 8:17 Iomraidhean Croise

Esai 63:17

Ǝi Njesigənea̰, see gelee ban ɓa i ya̰ sí Ar sí ndəm rəwje’g ləi ləm, Ar meḛ sí ndər Ar sí j’ɔsje ne ta ɓəli lé rəw ləm tɔ wa. Maji kari tel ree mbata kuraje ləi Gə́ i unda dee dan kəmi’g, Deḛ gə́ to ginkojije Gə́ to gə nédɔjije ləi lé!

Matiyo 12:15

Jeju oo gao ndá yeḛ ḭ keneŋ aw gə́ raŋg. Boo-dəwje ndolè gée. Yeḛ aji njérɔko̰je lai ar rɔ dee to kari péd-péd

Matiyo 15:17

Né gə́ ḭ ta dəw’g aw mée’g lé tel né gə́ majel aree ɓugu loo-ŋgəḭ’g walá. See ooje njai el wa.

Matiyo 16:7

Njékwakiláje d’ula na̰ ta pana: Pil muru gə́ j’ya̰ naŋg lé un ɓa pa ne sə sí gə mbəa.

Mark 16:14

Waga tɔɓəi ndá Jeju teḛ kəm deḛ gə́ dɔg-gir-dee-kára gə́ d’isi ta ka-nésɔ’g lé, yeḛ ndaŋg dee dɔ meendər’g lə dee ləm, gə dɔ kɔstarəw’g lə dee ləm tɔ, mbata d’ɔm meḛ dee dɔ ta’g lə deḛ gə́ d’ée loo gə́ yeḛ unda loo teḛ dan njé gə́ d’wəi’g lé el.

Mark 2:8

Léegəneeya ta gə́ deḛ d’isi pa meḛ dee’g lé Jeju gər mée’g gao ndá yeḛ ila dee keneŋ pana: See ban ɓa seḭ ə̰jije taje gə́ togə́bè meḛ sí’g wa.

Mark 3:5

Yen ŋga Jeju aa kəm dee njal ɔr, nɛ mée ḭ səa pu mbata meendər lə dee tɔ ndá yeḛ ula dəw gə́ jia wəi wɔ neelé pana: Ndɔji jii ra̰daŋ.

Mark 6:52

mbata némɔri gə́ ra gə muru lé kəm dee inja dɔ’g el ɓəi, meḛ dee ndər siŋ-siŋ ya ɓəi.

Mark 8:16

Njékwakiláje d’ula na̰ ta gə ŋgan gwɔs dee njigi-njigi pana: Yeḛ pa togə́bè mbata muru gə́ godo ji sí’g ya.

Lugu 24:25

Yen ŋga Jeju ula dee pana: Wah! seḭ dəwje gə́ kəmkàr na meḛ sí tas ləm, meḛ sí tɔ kujita dɔ ta’g lə njéteggintaje el ləm tɔ lé.

Tagə́maji gə́ Ja̰ ndang 16:30

Ɓasinè jeḛ n’gər gao, i gər néje lai ɓó loo kun ta dəjii goo kára kara godo ŋga, gelee gə́ nee ɓa jeḛ j’ɔm meḛ sí dɔi’g to gə́ i ḭ rɔ Ala’g lé nja.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.