Mark 8:11 - Maktub gə́ To gə Kəmee

¹¹ Parisiḛje ree rɔ Jeju’g ndá d’un ta d’isi maḭ səa d’aḭ ne mée pana: Ar sí j’ooje némɔri gə́ a kḭ dara lé ŋga.

Mark 8:11 Iomraidhean Croise

Teḛ-Raga 17:2

Togə́bè dəwje d’aar gə Moyis gə ta jələ-jələ. Deḛ d’ulá pana: Ar sí mán j’aije. Moyis ila dee keneŋ pana: See ban ɓa seḭ aarje səm gə ta jələ-jələ bèe wa. See ban ɓa seḭ aḭje mee Njesigənea̰ bèe wa.

Teḛ-Raga 17:7

Loo neelé deḛ d’unda ria lə Masa gə Meriba (gelee to kəm-ŋgununu) mbata Israɛlje lé maḭta ləm, deḛ d’aḭ mee Njesigənea̰ ləm tɔ pana: Njesigənea̰ lé see si mbuna sí’g əsé yeḛ si mbuna sí’g el wa.

Malasi 3:15

Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.

Matiyo 12:38

Njéndaji-maktubje gə́ na̰je deḛ gə Parisiḛje d’ulá pana: Mbai, jeḛ ndigi kari ra némɔri ar sí j’oo.

Matiyo 19:3

Parisiḛje gə́ na̰je rəm pər gə́ rəa’g gə mba ndo̰ təa ndá deḛ dəjee pana: See diŋgam tuba dené ləa gə mba né lé see to né gə́ kəm ra wa.

Matiyo 21:23

Jeju andə mee kəi-Ala’g si ndoo dee ta ndá mbai dɔ njékinjanéməsje gə ŋgatɔg-dəwje ree pər gə́ rəa’g dəjee pana: See néje gə́ i ra lé see na̰ ɓa un ndia ari gə mba kari ra togə́bè wa.

Matiyo 22:15

Yen ŋga Parisiḛje d’ula njuma̰ meḛ na̰’d gə mba kaw goso Jeju ɓó gə mba kiŋga ne ta gə́ gəd təa’g.

Matiyo 22:18

Jeju gər goso lə dee gao aree ila dee keneŋ pana: Seḭ njéhulaije, see ban ɓa seḭ sɔmje bèe wa.

Matiyo 22:23

Mee ndəa’g neelé Saduseḛje gə́ njémaḭta teḛ dɔkumbwa’g lə dəwje, rəm wɔr gə́ rɔ Jeju’g dəjee pana:

Mark 12:15

Jeju gər ta-hulai lə dee gao aree ila dee keneŋ pana: Gelee ban ɓa seḭ aḭje məəm bèe wa. Unje ŋgon lar gə́ ndá kára gə́ nee amje m’oo.

Mark 2:16

Njéndaji-maktubje gə Parisiḛje d’oo to gə́ Jeju si ta nésɔ’g gə njétaa lar-gədɓeeje gə kaiya-dəwje ndá deḛ dəji njékwakiláje pana: See ban ɓa yeḛ o̰ gə ai gə njétaa lar-gədɓeeje gə njékaiyaje wa.

Mark 9:16

Yeḛ dəji dee pana: See ta ɗi ɓa aarje maḭje sə dee wa.

Lugu 10:25

Yen ŋga dəw kára gə́ to gə́ njeteggin godndu uba naŋg ḭta dəji Jeju ta gə mba kaḭ ne mée pana: Mbai, see m’a ra ɗi gə mba kisi gə kəməgə́ gə no̰ lé wa.

Lugu 11:16

Njé gə́ raŋg gə́ ndigi kaḭ mée lé dəjee gə mba karee ra némɔri gə́ a kḭ dara lé kar dee d’oo.

Tagə́maji gə́ Ja̰ ndang 4:48

Jeju ulá pana: Ɓó lé seḭ ooje némɔrije gə né gə́ dumkooje gə kəm sí bèe el ndá seḭ ooje loo gə mba kɔmje meḛ sí dɔm’g el.

Tagə́maji gə́ Ja̰ ndang 6:30

Deḛ tel dəjee pana: See némɔri ɗi ɓa i ra mba kar sí j’ooje ɓó gə j’ɔmje ne meḛ sí dɔi’g wa. See nérai gə́ ɗi to wa.

Tagə́maji gə́ Ja̰ ndang 7:48

See seḭ ooje dəw gə́ ra ɓa mbuna mbaije’g əsé mbuna Parisiḛje’g gə́ ɔm mée dəa’g wa.

Tagə́maji gə́ Ja̰ ndang 8:6

Deḛ pata neelé togə́bè gə mba kaḭ ne mée, ɓó gə mba kiŋga ne ta gə́ d’a kaskəm səgee ne ya. Nɛ Jeju lé ula dəa naŋg si tḭja naŋg gə ŋgaw jia bèe-bèe.

Néra Njékaḭkulaje 5:9

Yen ŋga Piɛrə tel dəjee pana: See gelee ban ɓa seḭ ɔmje meḛ sí na̰’d sad ərje ne kəm Ndil Mbaidɔmbaije wa. Aa oo, deḛ gə́ dubu ŋgabije lé kaa gɔl dee to ɓar gə́ raga’n gə́ nee ndá d’a kuni-i ya tɔ.

1 Njé gə́ Kɔrḭtə 10:9

Ar sí naaje meekuru lə Mbaidɔmbaije to gə́ njé gə́ na̰je mbuna dee’g na̰ lé el, deḛ ra togə́bè ya nɛ li to̰ dee tɔl dee ar dee d’udu guduru.

Tel tura Godndu 6:16

Ala ləi gə́ Njesigənea̰ lé i a kaḭ mée to gə́ i aḭ ne mée loo gə́ Masa’g lé nda̰ el.