Mark 7:18 - Maktub gə́ To gə Kəmee

¹⁸ Yeḛ ula dee pana: See seḭje kara kəm sí inja el nja ɓəi wa. See seḭ gərje né el ɓəi wa. Né kára kara gə́ ḭ raga oso mee dəw’g lé as mba kar mée mina̰ ne jɔmri-jɔmri el.

Mark 7:18 Iomraidhean Croise

Matiyo 15:11

Né gə́ ḭ mee dəw’g teḛ təa’g ɓa a karee mina̰ ne ɓó né gə́ ḭ ta dəw’g aw mée’g ndá a karee mina̰ ne el.

Matiyo 16:11

Ta gə́ m’ula sí lé wɔji dɔ pil muru el. See ban ɓa kəm sí inja dɔ’g el nja dɔrɔ ɓəi wa. Aaje rɔ sí kər-kər dɔ né gə́ ar nduji ti gə́ ka̰ Parisiḛje gə Saduseḛje lé.

Mark 4:13

Tɔɓəi Jeju dəji dee pana: Ŋga see gosota gə́ nee ya ɓəi seḭ gərje el wa. Ŋga see gosotaje gə́ raŋg lai ndá see seḭ a gərje to gə́ ban ɓəi wa.

Mark 7:17

Loo gə́ yeḛ ya̰ boo-dəwje neelé gə kuree əw ree andə mee kəi’g ndá njékwakiláje dəjee goo ta nee gə́ yeḛ ula dee gə gosota raga lé.

Mark 7:19

Mbata né neelé oso kəi-ɓə̰gəree’g el, nɛ oso jəbəlee’g ɓa aw saar oso looje gə́ to loo-kiya’g, loo gə́ won nésɔje ɔr keneŋ ndɔs-ndɔs lé ɓəi.

Lugu 24:25

Yen ŋga Jeju ula dee pana: Wah! seḭ dəwje gə́ kəmkàr na meḛ sí tas ləm, meḛ sí tɔ kujita dɔ ta’g lə njéteggintaje el ləm tɔ lé.

Tagə́maji gə́ Ja̰ ndang 3:10

Jeju tel ilá keneŋ pana: See i gə́ njendoo Israɛlje né lé ya, see ta nee dumi ari gər ginee el wa.

1 Njé gə́ Kɔrḭtə 3:2

Mbà ɓa m’ar sí ɓəi ɓó muru gə́ kədərə gəw-gəw el mbata a kwa sí ɓəi. Saar ɓasinè kara wa sí ya ɓəi mbata néra sí wɔji dɔ darɔ ɓəi.

Ǝbrəje 5:11

J’isi gə ta yaa̰ gə́ wɔji dɔ ta neelé, to kədərə mba ndoo sí mbata kəm sí kara inja dɔ’g njaŋg el.