Mark 6:41 - Maktub gə́ To gə Kəmee

⁴¹ Tɔɓəi yeḛ odo pil muru gə́ mi gə ka̰jije gə́ joo lé aa ne loo gə́ dara ɓa ra oiyo dɔ’g. Tɔɓəi yeḛ wa muru gaji dana ar njékwakiláje mba kar dee d’ar boo-dəwje lé. Yeḛ kai dee ka̰jije gə́ joo neelé mbuna dee’g lai tɔ.

Mark 6:41 Iomraidhean Croise

Matiyo 14:19

Yeḛ ar boo-dəwje neelé d’unda naŋg dɔ mu’g mburug ndá yeḛ odo pil muru gə́ mi ləm gə ka̰jije joo ləm tɔ ɓa yeḛ un kəmee gə́ tar ra ne Ala lé oiyo. Gée gə́ gogo yeḛ odo pil muru təd dana ar njékwakiláje mba kar dee kai boo-dəwje neelé.

Matiyo 15:36

Tɔɓəi yeḛ taa pil muru gə́ siri lé gə ka̰jije lé tɔ. Loo gə́ yeḛ ra Ala oiyo mba̰ ndá yeḛ wa təd dana ar njékwakiláje gə mba kar dee kai boo-dəwje lé.

Matiyo 26:26

Loo gə́ d’isi d’aw d’o̰ muru bèe-bèe ndá Jeju un pil muru, yeḛ ra Ala lé oiyo ɓa wa gaji dana ar njékwakiláje pana: Taaje, sɔje mbata yee neelé to gə́ darɔm.

Mark 14:22

Loo gə́ d’isi d’usɔ né mba̰ Jeju un pil muru kára ra ne Ala oiyo ɓa wa gaji dana ar dee pana: Taaje, yeḛ gə́ neelé to gə́ darɔm ya.

Mark 6:40

ndá deḛ d’isi gə kudu dee kudu dee as tɔl-tɔl ləm, gə rɔ-mi rɔ-mi ləm tɔ.

Mark 6:42

Dəwje lai d’o̰ d’ar meḛ dee ndan tub-tub.

Mark 7:34

Tɔɓəi yeḛ tel kəmee gə́ dara lé ila mée pugudu pana: Epata, (tel takɔji sí teḛ tai).

Mark 8:19

Loo gə́ m’odo pil muru gə́ mi m’təd dana m’ar sí kaije koso-dəwje gə́ tɔl-dɔg-loo-mi lé see seḭ odoje gɔŋgee rusu buduje ka̰da wa. Deḛ tel ndigi təa’g pana: Yḛ̀ dɔg-giree-joo.

Lugu 24:30

Loo gə́ yeḛ si sə dee ta nésɔ’g ndá yeḛ un muru ra oiyo ɓa ya̰ gaji dana ar dee.

Lugu 9:16

Jeju odo pil muru gə́ mi gə ka̰jije gə́ joo neelé un ne kəmee aa ne loo gə́ dara tar tɔr ne ndia dɔ’g. Tɔɓəi yeḛ wa gaji, tula ji njékwakiláje’g gə mba kar dee kai boo-dəwje neelé tɔ.

Tagə́maji gə́ Ja̰ ndang 11:41

Yen ŋga deḛ nduburu biri mbal lé. Jeju ila kəmee gə́ tar pana: Bɔm, m’rai oiyo mbata tamaji gə́ m’ra lé taa né jii’g am ya.

Tagə́maji gə́ Ja̰ ndang 17:1

Loo gə́ Jeju pa togə́bè mba̰ ndá yeḛ un kəmee gə́ dara pana: Bɔm, kàree teḛ mba̰ ya. Maji kari ula rɔnduba dɔ Ŋgoni’g mba kar Ŋgoni kara ula ne rɔnduba dɔi’g tɔ.

Tagə́maji gə́ Ja̰ ndang 6:11

Jeju un muru, ra Ala lé oiyo ɓa təd kai deḛ gə́ d’isi keneŋ tɔɓəi yeḛ kai dee ka̰ji lé kara togə́bè ya tɔ, aree as loo ɓoo lə dee béréré.

Tagə́maji gə́ Ja̰ ndang 6:23

Bèlè lookàree toje gə́ raŋg d’ḭ Tiberiad mbɔr loo gə́ Mbaidɔmbaije ra Ala oiyo keneŋ ar dee d’o̰ ne muru lé.

Néra Njékaḭkulaje 27:35

Loo gə́ yeḛ pa togə́bè ndá yeḛ un muru ra Ala oiyo kəm dee’g lai ɓa yeḛ wa gajee ula təa’g aar sɔ.

Njé gə́ Rɔmə 14:6

Yeḛ ɔr kəm ndɔje lé ɔr kəm dee togə́bè mbata lə Mbaidɔmbaije ya. Yeḛ gə́ sɔ né lé yeḛ sɔ mbata lə Mbaidɔmbaije mbata yeḛ ra ne Ala lé oiyo ləm, yeḛ gə́ ɔr kəm nésɔje lé yeḛ ra mbata lə Mbaidɔmbaije ya to mbata yeḛ ra ne Ala oiyo ləm tɔ.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Tel tura Godndu 8:10

Loo gə́ seḭ a ko̰je muru kaareeje as sí nag ndá seḭ a pidije ne Ala lə sí gə́ Njesigənea̰ mbata lə ɓee gə́ maji gə́ yeḛ ar sí lé.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

1 Samel 9:13

Loo gə́ seḭ a ka̰dje mee ɓee-boo’g ndá seḭ a kḭgáje kédé ɓa yeḛ a kal kaw dɔdərloo’g tar mba sɔ né ɓəi. Koso-dəwje d’a sɔ né kédé ɓa karee-yeḛ ree el, mbata yeḛ ɓa a gə tɔr ndia dɔ nékinjaməs’g ɓa gée gə́ gogo deḛ gə́ ɓar dee ɓar nésɔ lé d’a sɔ ɓəi. Awje ɓasinè ndá a kḭgáje ya.