Mark 5:42 - Maktub gə́ To gə Kəmee

⁴² Léegəneeya ŋgon gə́ dené lé uba naŋg ḭta, ɔs njaa, njaa ɓad-ɓad mbata ləb ŋgon gə́ dené neelé to dɔg-giree-joo ŋga. Kaar dəwje lai wa dee paḭ-paḭ dɔ’g.

Mark 5:42 Iomraidhean Croise

Mark 1:27

Deḛ gə́ d’aar keneŋ lé ta igi dee sel, d’aar jim. Tɔɓəi d’ula ta dee dəji na̰ mbuna na̰’d pana: See né neelé to gə́ ri ɓa bèe wa. See to ta gə́ sigi wa. Yeḛ nja ɓa wa ta ndilje gə́ yèr kara ar dee tel rɔ dee goo ta’g ləa.

Mark 4:41

Ɓəl unda dee badə gaŋg dee, ar dee d’ula na̰ ta wédé-wédé pana: See dəw neelé to na̰ ɓa ar lel gə mán baa-boo ya kara d’oo ta təa’g togə́bè wa.

Mark 5:41

Yeḛ un ji ŋgon lé wa ulá pana: Talita kumi (tel takɔji sí pana: Ŋgon dené, ma nja m’ulai, uba naŋg ḭta).

Mark 5:43

Jeju ndəji dee bər-bər gə mba kar dee pa taree d’ar dəw kára kara oo el, tɔɓəi yeḛ ula dee gə mba kar dee d’ar ŋgon gə́ dené lé nésɔ usɔ.

Mark 6:51

Yen ŋga yeḛ al uru mee to’g ndá lel gaŋg ŋgaji. Kaar dee wa dee paḭ ar dee d’isi dḭdiri-dḭdiri,

Mark 7:37

Kaar dee wa dee paḭ-paḭ ar dee pana: Néje lai gə́ yeḛ ra lé yeḛ ra aree maji ɔr njoroŋ ya: Yeḛ ar mbi njémbikuduje mbudu ləm, deḛ gə́ gwɔs dee tɔ kɔrəm-kɔrəm kara yeḛ ar dee pata njai-njai ləm tɔ.