Mark 5:2 - Maktub gə́ To gə Kəmee

² Loo gə́ Jeju ḭ mee to’g teḛ raga ndá léegəneeya dəw kára gə́ ndil gə́ yèr to mée’g unda loo bwa-doɓarje’g teḛ tila kəm Jeju.

Mark 5:2 Iomraidhean Croise

Esai 65:4

Deḛ gə́ d’ar dɔɓar ɓa gə́ loo-si dee ləm, Loondul’g ndá deḛ d’ar mee bolè mbalje ɓa gə́ loo-to dee ləm, Da-bər ɓa d’usɔ ləma, Nésɔje gə́ mina̰ ɓa to mee ŋgoroje’g lə dee ləm tɔ.

Mark 1:23

Dəw kára gə́ ndil gə́ yèr uru kəi mée’g lé si sə dee na̰’d mee kəi-kwa-dɔ-na̰’g lə dee neelé tɔ ndá yeḛ pata gə ndia gə́ boi wəl pana:

Mark 1:26

Ndil gə́ yèr lé teḛ mee dəw’g neelé ndá yeḛ oree lərərə-lərərə aree no̰ wəl-wəl ɓa unda loo teḛ mée’g ɓəi.

Mark 3:30

Jeju pa bèe mbata deḛ nja pata pana: Ndil gə́ yèr lé to mée’g.

Mark 3:9

Togə́bè ɓa yeḛ ula njékwakiláje gə mba kar dee d’wa ŋgaw to ŋginá ne pèrèrè nà banelə boo-dəwje neelé d’a kɔs neḛ ɓèsèsè-ɓèsèsè.

Mark 4:1

Jeju un kudu ndoo dee ta dɔ koŋgo baa-boo’g. Boo-dəwje gə́ bula digi-digi ree d’wa dɔ na̰ rəa’g gugu dəa sub ɓad ɓa yeḛ uru mee to’g aw rəm si keneŋ. Koso-dəwje d’isi dɔ koŋgo baa-boo’g rib-rib.

Mark 4:36

Loo gə́ d’ya̰ goo boo-dəwje lé ndá d’aw gə Jeju mee to gə́ yeḛ si keneŋ lé, ndá njétoje gə́ raŋg kara dan gée tɔ.

Mark 5:21

Jeju uru mee to’g gaŋg mán teḛ kel tura ndá boo-dəwje d’ḭ kəmlə-kəmlə ree mbo̰ dɔ na̰ rəa’g. Yeḛ si dɔ koŋgo baa-boo’g.

Mark 5:3

Dəw neelé ra ɓee mbuna bwa-doɓarje’g ar dəw kára kara askəm kilá kag teá el ləm, kúla lar kara d’askəm kwá ne el ləm tɔ.

Mark 5:8

Mbata Jeju ulá pana: I ndil gə́ yèr lé teḛ mee dəw’g nee gə́ raga.

Mark 7:25

Dené kára bèe gə́ ndil gə́ yèr to mee ŋgonee gə́ dené’g lé oo soree ndá yeḛ ree ti oso naŋg gɔlee’g.

Lugu 8:27

Loo gə́ Jeju unda loo mee to’g teḛ raga ndá dəw kára gə́ mee ɓee’g neelé gə́ ndilje gə́ yèr to mée’g lé teḛ tila kəmee. Dəw neelé ləw-ləw ba saar lé yeḛ ula kubu rəa’g ndɔ kára el ləm, yeḛ oso mee kəi’g mbɔg kara to keneŋ ndɔ kára el ləm tɔ, nɛ dɔɓar ɓa to gə́ loo gə́ yeḛ ra ɓee keneŋ ya.

Lugu 9:42

Loo gə́ ŋgon lé unda dɔ Jeju dəb ndá ndil gə́ yèr lé wá ilá naŋg birig, mbiree mba̰-mba̰. Nɛ Jeju ndaŋg ndil gə́ yèr neelé paḭ ndá aji ne ŋgon lé ɓa wá ulá ji bɔbeeje’g ɓəi.