Mark 5:15 - Maktub gə́ To gə Kəmee

¹⁵ Loo gə́ deḛ teḛ rɔ Jeju’g lé ndá d’aa loo d’oo dəw gə́ ndilje gə́ yèr gə́ bula digi-digi taa mée pəl-pəl kédé lé nɛ yeḛ ula kubu rəa’g si ne ləm, gə si maji ar rəa tḭja péd-péd ləm tɔ ndá ɓəl unda dee badə gaŋg dee.

Mark 5:15 Iomraidhean Croise

1 Sôrta Gḭka-Israɛlje 13:12

Dabid ɓəl Njesigənea̰ mee ndəa’g neelé aree pana: Bèe ŋga see m’a ra to gə́ ban ɓa gə mba kar sa̰duk-manrɔ lə Njesigənea̰ lé ree ne rɔm’g wa.

1 Sôrta Gḭka-Israɛlje 15:13

Mbata seḭ nja mee ndɔ gə́ dɔtar’g lé seḭ godoje loo gə́ Njesigənea̰ ar sí j’uduje lé, mbata jeḛ lé jeḛ n’sa̰geeje gə goo godndu lé el.

Maktub gə́ wɔji dɔ Jɔb 13:11

See boo-ronduba ləa a kar sí ndəbje pəd-pəd el wa. See ɓəl-boo ləa a koso dɔ sí’g el wa.

Pakɔsje 14:5

Gelee gə́ nee ɓa d’a kunda bala ndəb ne pəd-pəd Loo gə́ Ala a kunda loo teḛ wai Mbuna ginkoji dəwje gə́ njéra nédanaje’g.

Matiyo 12:29

Esé ɓó lé dəw a tɔ njesiŋgamoŋ gə kúla njim-njim el ndá see a kandə kuru mee kəi’g ləa gə mba ɓogo néje ləa to gə́ banwa. A teá kédé ɓa a tɔ kée ɓəi.

Matiyo 26:53

See i ə̰ji məəi’g pana: Lé m’a ɓar Bɔm mba karee am kuraje gə́ dara kudu dɔg-giree-joo ŋga see a lal kam dee wa.

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 9:33

Koso-dəwje lé kaar dee wa dee paḭ ar dee pana: Wah, jeḛ j’oo né gə́ togə́bè lé ɓee lə Israɛlje gɔl kára el nja ɓəi.

Mark 5:14

Deḛ njékul deeje lé təd na̰ d’aḭ gə taree d’aree oso gə loo mbidi-mbidi mee ɓee-booje’g ləm, gə mee ŋgan-ɓeeje gə́ walá ləm tɔ. Yen ŋga koso-dəwje teḛ budu-budu mba kaw koo né gə́ teḛ togə́bè lé.

Mark 5:16

Deḛ gə́ d’oo né gə́ teḛ lé d’ɔr sor né gə́ ra njendilje gə́ yèr lé ləm, gə ra bər-kosoje lé ləm tɔ.

Mark 5:18

To gə́ Jeju si al gə́ mee to’g ndá njendil gə́ yèr lé dəjee ɓó gə mba karee yá̰ aree nai səa.

Mark 5:4

As gɔl bula deḛ d’ilá kag ləm, d’wá teá gə kúla lar ləm tɔ nɛ yeḛ gaŋg kúla lar lé mbidi-mbidi ləm, yeḛ təd kag gə́ d’ila ne lé kərm-kərm ləm tɔ. Dəw kára kara askəm taa siŋga el.

Mark 5:9

Jeju dəjee pana: See rii lə nawa. Yeḛ tel ilá keneŋ pana: Rim lə Bula digi-digi. Mbata jeḛ m’bula yaa̰.

Lugu 10:39

Ŋgokea̰ gə́ dené kára ria lə Mari si naŋg ŋgira gɔl Mbaidɔmbaije’g si oo ta ləa.

Lugu 8:27

Loo gə́ Jeju unda loo mee to’g teḛ raga ndá dəw kára gə́ mee ɓee’g neelé gə́ ndilje gə́ yèr to mée’g lé teḛ tila kəmee. Dəw neelé ləw-ləw ba saar lé yeḛ ula kubu rəa’g ndɔ kára el ləm, yeḛ oso mee kəi’g mbɔg kara to keneŋ ndɔ kára el ləm tɔ, nɛ dɔɓar ɓa to gə́ loo gə́ yeḛ ra ɓee keneŋ ya.

Njé gə́ Kolosə 1:13

Yeḛ nja wa sí wɔgədɔ ɔr sí ji siŋgamoŋ ka̰ loondul gə́ ndul njudu-njudu ləm, yeḛ odo sí ɔm sí ɓeeko̰’g lə Ŋgonee gə́ to ŋgonkəmee lé ləm tɔ.

2 Timote 1:7

Mbata ndil gə́ Ala ar sí lé to ka̰ siŋgamoŋ ləm, to ka̰ meenoji ləma, to ka̰ kəmkàr ləm tɔ ɓó to ka̰ ɓəl el.

1 Samel 16:4

Samel ra to gə́ Njesigənea̰ ulá lé ndá yeḛ ɔd aw Betlehem. Ŋgatɔgje gə́ mee ɓee-boo’g neelé d’aḭ ree rəa’g gə ɓəl mee dee’g pana: See i ree gə meelɔm ya wa.