Mark 3:8 - Maktub gə́ To gə Kəmee

⁸ gə deḛ gə́ d’ḭ Jude ləm, gə deḛ gə́ Jerusalem ləm, gə deḛ gə́ d’ḭ Idume ləm, gə deḛ gə́ d’ḭ tura kel Jurdɛ̰’g ləma, gə deḛ gə́ d’ḭ Tir gə Sido̰ ləm tɔ. Loo gə́ deḛ d’oo no̰ nérea lai-lai gə́ yeḛ ra lé ndá deḛ lai ree rəa’g tɔ.

Mark 3:8 Iomraidhean Croise

Pakɔsje 45:12

Mbai undai dan kəmee’g mbata ma̰də ləi, Yeḛ lé to mbai ləi ndá maji kari ula rɔnduba dəa’g.

Pakɔsje 87:4

Ma m’ɓar ri njé gə́ Ejiptə Gə njé gə́ Babilɔn lé mbuna deḛ gə́ gərm’g. Aa oo, ɓee lə Pilistije, gə Tirje, gə Etiopije lé to: Dəwje neelé d’oji dee mee ɓee’g neelé ya.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Matiyo 11:21

Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

Matiyo 4:25

Boo-dəwje gə́ Galile gə Dekapol gə Jerusalem gə Jude lé deḛ ndolè gée. Deḛ gə́ d’isi dɔ naŋg’d gə́ gir baa gə́ Jurdɛ̰’g kara ndolè gée tɔ.

Mark 7:24

Jeju ḭ keneŋ ɔd aw gə́ ɓeeko̰ gə́ Tir gə Sido̰. Yeḛ andə mee kəi’g kára bèe gə ŋgəḭ ba mbata yeḛ ndigi kar dəw kára kara gər loo-siée el, nɛ loo-kiya-rəa godo.

Mark 7:31

Jeju uba naŋg ḭ ɓeeko̰ gə́ Tir taa rəw gə́ wɔji dɔ Sido̰ par gə́ kel baa-boo gə́ Galile’g bèe, yeḛ dəs unda mee ɓee gə́ Dekapol tar gaŋg.

Lugu 6:17

Yeḛ risi sə dee gə́ bər loo gə́ loo asəna rai-rai keneŋ, lée neelé d’iŋga boo-njékwakiláje keneŋ gə dəwje bula digi-digi gə́ d’ḭ Jude ləm, gə Jerusalem ləma, gə Tir gə Sido̰ gə́ to ta mán’g ləm tɔ. Deḛ ree keneŋ gə mba koo ta təa’g ləm, gə mba kar rɔko̰je lə dee kara ɔr rɔ dee’g ləm tɔ.

Jujé 15:1

Dɔ naŋg gə́ ginkoji Judaje d’iŋga gə goo nékwɔji lée ləm gə goo gel-bɔje lə dee lə dee ləm tɔ lé aw par gə́ rəw-nim-ɓee gə́ Edɔm saar teḛ ne dɔdilaloo gə́ Sin gə́ to dɔkɔl, gə́ to ŋgaŋ loo gə́ dɔkɔl tɔ.

Jujé 15:21

Ri ɓee-booje gə́ to kel dɔkɔl rudu ɓee’g lə ginkoji Judaje par gə́ rəw-nim-ɓee gə́ Edɔm lé ɓa nee: Kabseel, gə Eder, gə Jagur,