Mark 3:22 - Maktub gə́ To gə Kəmee

²² Njéndaji-maktubje gə́ d’ḭ Jerusalem’g ree lé deḛ pana: Ndil Beeljebul taa mée, ar mbɔl dəa ɓa yeḛ tuba ne ndilje gə́ yèr neelé.

Mark 3:22 Iomraidhean Croise

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

Pakɔsje 22:6

Deḛ no̰ gə́ rɔi’g ndá d’aji ne ləm, Deḛ d’ɔm meḛ dee dɔi’g ndá kəm sɔḭ ɓar ri dee el ləm tɔ.

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Matiyo 11:18

Mbata Ja̰ lé ree ndá yeḛ sɔ né njagm el ləm, ai né surum el ləm tɔ ndá deḛ pana: Ndil gə́ yèr to mée’g.

Matiyo 12:24

Parisiḛje lé d’oo ta gə́ deḛ pa lé ndá d’ila dee keneŋ pana: Mbɔl dɔ Beeljebul, mbai lə ndilje gə́ majel lé ɓa diŋgam neelé tuba ne ndilje gə́ majel meḛ dəwje’g ya.

Matiyo 15:1

Parisiḛje deḛ gə njéndaji-maktubje d’ḭ Jerusalem ree rɔ Jeju’g dəjee pana:

Matiyo 9:34

Nɛ Parisiḛje pana: Mbɔl dɔ mbai lə ndilje gə́ majel ɓa Jeju tuba ne ndilje gə́ majel meḛ dəwje’g.

Mark 7:1

Parisiḛje gə njéndaji-maktubje gə́ na̰je gə́ d’ḭ Jerusalem lé ree mbo̰ dɔ na̰ rɔ Jeju’g.

Lugu 11:15

Nɛ njé gə́ na̰je mbuna dee’g pana: Mbɔl dɔ Beeljebul, mbai lə ndilje gə́ majel lé ɓa yeḛ tuba ne ndilje gə́ majel lé meḛ dəwje’g.

Lugu 5:17

Ndɔ kára bèe Jeju si ndoo dee ta ndá Parisiḛje gə njéteggin godnduje gə́ d’ḭ ŋgan-ɓeeje gə́ Galile ləm, gə Jude ləma, gə Jerusalem ləm tɔ lé d’isi keneŋ tɔ. Siŋgamoŋ lə Mbaidɔmbaije nai səa aree ɔr rɔko̰ gə́ rɔ njérɔko̰je’g.

Tagə́maji gə́ Ja̰ ndang 10:22

Mee ɓee gə́ Jerusalem lé deḛ ra naḭ gə́ wɔji dɔ Kəi-Ala gə́ kɔr kunda gə kəmee. To gə́ nai kuli.

Tagə́maji gə́ Ja̰ ndang 7:20

Boo-dəwje d’ilá keneŋ pana: Ndil gə́ yèr to məəi’g. See na̰ ɓa saŋg rəw gə mba tɔli wa.

Tagə́maji gə́ Ja̰ ndang 8:48

Jibje tel dəjee pana: See ta gə́ jeḛ m’pa kédé m’pana: I to gə́ dəw gə́ Samari gə́ ndil gə́ yèr to məəi’g lé see jeḛ m’pa rəbee’g el wa.

Tagə́maji gə́ Ja̰ ndang 8:52

Jibje d’ilá keneŋ pana: Ɓasinè jeḛ n’gər gao, ndil gə́ yèr ɓa to məəi’g ya. Abrakam lé wəi mba̰ ləm, njéteggintaje kara d’wəi mba̰ ləm tɔ. Nɛ i pana: Dəw gə́ rara ɓa lé a kaa dɔ ta ləi kər-kər ndá kara yoo a ɓar ria el.