Mark 3:17 - Maktub gə́ To gə Kəmee

¹⁷ gə Jak, ŋgolə Jebede, gə Ja̰, ŋgoko̰ Jak, deḛ neelé yeḛ ɓar dee Boanerges, tel ta koji sí pana: Ŋgan lə ndi-gə́-ndaŋg:

Mark 3:17 Iomraidhean Croise

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Matiyo 4:21

Yeḛ ɔd mbɔr gə́ kédé ɓəi ndá yeḛ oo dəwje joo gə́ raŋg gə́ to gə́ ŋgako̰ na̰je, Jak, ŋgolə Jebede, deḛ gə ŋgokea̰ Ja̰ d’isi mee to’g, d’isi gə bɔ deeje gə́ Jebede, d’isi ra kəm buraje lə dee.

Mark 10:35

Yen ŋga, Jak gə Ja̰ gə́ to ŋgalə Jebede lé rəm pər gə́ rɔ Jeju’g d’ulá pana: Mbai, né gə́ j’a gə kwɔii neelé jeḛ ndigi kari ar sí née ya.

Mark 14:33

Yeḛ ɔr Piɛrə gə Jak gə Ja̰ njɔl aw sə dee ndá meeko̰ un kudu kḭ səa jugugu ləm, mée tɔsee gə no̰ mbigi-mbigi ləm tɔ.

Mark 3:16

Deḛ gə́ yeḛ ɔr dee dɔg-gir-dee-joo lé ɓa nee: Simo̰ gə́ Jeju ɓaree Piɛrə,

Mark 3:18

gə Andre, gə Pilibə, gə Bartelemi, gə Matiyo, gə Tomas, gə Jak, ŋgolə Alpe, gə Tade, gə Simo̰ dəw gə́ Kana̰,

Mark 5:37

Yeḛ ya̰ rəw ar dəw gə́ raŋg kára kara aw səa el nɛ ar Piɛrə gə Jak gə Ja̰, ŋgoko̰ Jak ɓa d’aw səa.

Mark 9:2

Ndɔ misa̰ gogo, Jeju ɔr Piɛrə gə Jak gə Ja̰ njɔl sa sə dee rəa aw sə dee dɔ mbal gə́ ŋgal léŋgé-léŋgé’g. Rea tel to ɓəd kəm dee’g.

Lugu 9:54

Jak gə Ja̰ gə́ to gə́ njékwakiláje lé d’oo bèe ndá deḛ dəjee pana: Mbaidɔmbaije, see i ndigi kar sí j’un ndu sí mba kar pər ḭ dara ree roo dee wa.

Tagə́maji gə́ Ja̰ ndang 21:2

Simo̰ Piɛrə ləm, gə Tomas gə́ deḛ ɓaree Didim ləm, gə Natanaɛl gə́ Kana dɔ naŋg gə́ Galile ləm, gə ŋgalə Jebede ləma, gə njékwakila Jejuje gə́ raŋg gə́ joo lé ləm tɔ lé deḛ lai mbo̰ dɔ na̰ loo kára.

Néra Njékaḭkulaje 12:1

Mee ləb’g neelé Herɔdə, mbai lé ḭ ula kəm barkəm Eglisəje gə́ na̰je ndòo.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Loo gə́ killa rea kəm Ja̰’g 10:11

Tɔɓəi d’ulam pana: Ɔr gin né gə́ a gə teḛ dɔ koso-dəwje’g ɓəi ləm, gə dɔ ginka dəwje’g ləm, gə dɔ tapa dəwje-dəwje’g ləma, gə dɔ mbaije’g ləm tɔ.