Mark 2:16 - Maktub gə́ To gə Kəmee

¹⁶ Njéndaji-maktubje gə Parisiḛje d’oo to gə́ Jeju si ta nésɔ’g gə njétaa lar-gədɓeeje gə kaiya-dəwje ndá deḛ dəji njékwakiláje pana: See ban ɓa yeḛ o̰ gə ai gə njétaa lar-gədɓeeje gə njékaiyaje wa.

Mark 2:16 Iomraidhean Croise

Esai 65:5

Deḛ pana: Aarje nu! Tibije mbɔr sí el Mbata jeḛ n’toje deḛ gə́ to gə kəmee! Néje gə́ togə́bè lé To asəna gə sa pər gə́ teḛ əm’g ləm, To pər gə́ o̰ gə́ kédé-kédé ləm tɔ.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Matiyo 5:46

Ɓó lé deḛ gə́ d’unda sí dan kəm dee’g ɓa seḭ unda deeje dan kəm sí’g ndá seḭ undaje rɔ sí keneŋ gə́ kunda ɓó to néra gə́ gəd el. See njétaa négədɓeje lé d’unda dəwje dan kəm dee’g togə́bè el wa.

Matiyo 9:11

Parisiḛje d’oo ndá deḛ dəji njékwakiláje pana: See gə mba ɗi ɓa mbai lə sí lé si gə njétaa lar-gədɓeeje gə kaiya-dəwje lé sɔ sə dee né wa.

Mark 2:15

Loo gə́ Jeju si ta ka-nésɔ’g mee kəi’g lə Ləbi ndá njétaa lar-gədɓeeje gə kaiya-dəwje d’isi səa na̰’d ta ka-nésɔ’g gə njékwakiláje to mbata deḛ bula ndolè gée.

Mark 2:7

See gə mba ri ɓa dəw neelé pa bèe gə mbəa wa. Yeḛ ila ndɔl dɔ loo’g. See na̰ ɓa askəm kɔr kaiya dɔ dəw’g wa. See Ala nja kára ba ɓa askəm ra togə́bè el wa.

Lugu 18:11

Parisiḛ lé ḭ aar tar gə ŋgalee dana ɗigi-ɗigi, pata gə mée pana: Oiyo Ala, ma m’rai oiyo mbata ma m’to asəna gə gar dəwje gə́ raŋg el. Deḛje neelé to gə́ njétɔ kó mar deeje ləm, gə njéra né gə́ gə goo rəbee elje ləm, gə njéndal mɔdkaiyaje ləma, əsé m’to asəna gə njétaa lar-gədɓee neelé el ləm tɔ.

Lugu 19:10

Mbata Ŋgon-dəw lé ree gə mba ndolè yeḛ gə́ ndəm igi gə mba karee aji ya.

Lugu 19:7

Loo gə́ koso-dəwje d’oo togə́bè ndá deḛ jém ta gə ŋgan gwɔs dee pana: Yeḛ aw uru kəi lə njekaiya mbidi.

Lugu 5:30

Parisiḛje gə njéndaji-maktubje jém ta gə ŋgan gwɔs dee dəji ne njékwakila Jejuje pana: See ban ɓa seḭ sɔje gə aije né gə njétaa lar-gədɓee gə kaiya-dəwje togə́bè wa.

Néra Njékaḭkulaje 23:9

Yen ŋga d’unda bula yi-yi d’ar njéndaji-maktubje gə́ na̰je gə́ d’ḭ ɓee lə Parisiḛje d’uba naŋg d’ḭ d’ɔs gin tamaḭ gə́ kédé-kédé pana: Dəw neelé jeḛ j’oo ta gə́ majel kára kara dəa’g bèe el. Banelə ndil əsé kura gə́ dara ɓa ulá ta ya.

1 Njé gə́ Kɔrḭtə 2:15

Nɛ dəw gə́ gər ndaa né gə́ wɔji dɔ Ndil lé yeḛ nja teggin néje wad-wad ɓó dəw kára kara askəm maḭ səa el.

Ǝbrəje 12:3

La̰jije dɔ Jeju’g, yeḛ gə́ si dan njékaiyaje’g gə́ d’ɔsee ɓɔḭ-ɓɔḭ, togə́bè ɓa seḭ a daoje ne el ləm, meḛ sí a kila ne kas el ləm tɔ.