Mark 14:12 - Maktub gə́ To gə Kəmee

¹² Ndɔ gə́ dɔtar gə́ d’o̰ muru gə́ nétiee godo keneŋ lé to ndɔ gə́ d’a gə tɔl badə Pag lé keneŋ ndá njékwakila Jejuje dəjee pana: See loo gə́ ra ɓa i ndigi kar sí j’aw j’wa dɔ gɔl néra Pag keneŋ j’ari wa.

Mark 14:12 Iomraidhean Croise

Teḛ-Raga 12:18

Naḭ gə́ dɔtar lé, mee ndəa gə́ dɔg-giree-sɔ, loo gə́ kàr andə ndá seḭ a ko̰je muru gə́ əm-tiné godo keneŋ saar teḛ ne ndɔ rɔ-joo-giree-kára mee naḭ’g neelé.

Teḛ-Raga 12:6

D’a ŋgəm saar ndɔ dɔg-giree-sɔ gə́ mee naḭ gə́ neelé tɔɓəi loo gə́ kàr a gə kandə ndá koso-dəwje gə́ Israɛl lai d’a kḭjá gə məs.

Teḛ-Raga 12:8

Mee til’g neelé ya, d’a sɔ dakasee gə́ nuŋga dɔ pər’g lé, d’a sɔ na̰’d gə muru gə́ əm-tiné godo keneŋ ləm, gə kamnaḭje gə́ adə ləm tɔ.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Mark 14:1

Nai ndɔ joo mba kar dee ra naḭ Pag gə́ muru gə́ nétiee godo keneŋ lé. Mbai dɔ njékinjanéməsje-je gə njéndaji-maktubje saŋg goso né gə mba kwa ne Jeju ɓó gə karee wəi ne.

Mark 14:11

Loo gə́ deḛ d’oo bèe ndá deḛ ra rɔlel d’un ndu dee gə mba karee lar ya. Ndá Judas saŋg loo gə́ kəm kula ne Jeju ji dee’g.

Mark 14:13

Yen ŋga, yeḛ ɔr njékwakiláje joo ula dee pana: Ɔd awje mee ɓee-boo’g, seḭ a kiŋgaje diŋgam gə́ odo kulum mán ndá awje gée’g.

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

Tel tura Godndu 16:5

Seḭ a kasjekəm kinjaje néməs gə́ wɔji dɔ Pag mee loo gə́ raŋg’d mbuna looje gə́ Ala lə sí gə́ Njesigənea̰ a kar sí síje keneŋ lé el,